شىمكەنت قالاسىندا بۇگىنگى تاڭدا 182 نىسان نەمەسە 311،3 شاقىرىم جول قۇرىلىس-جوندەۋ جۇمىستارىمەن قامتىلعان. جىل سوڭىنا دەيىن 169 نىسان، ياعني 270،3 شاقىرىم پايدالانۋعا بەرىلەدى.

شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ەرجان جولداسوۆ قالا اكىمدىگىنىڭ «Instagram» پاراقشاسىندا وتكەن تىكەلەي ەفيردە اتقارىلعان جۇمىستاردى اتاپ ءوتتى. باسقارما باسشىسى جىل باسىنان بەرى جۇزەگە اسقان جۇمىستاردى قورىتىندىلاپ، تۇرعىندار ساۋالىنا جاۋاپ بەردى.
بۇگىنگى تاڭدا قالادا رىسقۇلوۆ-قونايەۆ كوشەلەرىنىڭ قيىلىسىنداعى جولايرىق، قونايەۆ كوشەسى جالعاسى قۇرىلىسى، ماگيسترالدى كوشەلەردە ورتاشا جوندەۋ، ىشكى ورام كوشەلەردە جوندەۋ جۇمىستارى جۇرگىزىلۋدە.
رىسقۇلوۆ-قونايەۆ كوشەلەرىنىڭ قيىلىسىنداعى جولايىرىق قۇرىلىسىن تولىعىمەن اياقتاۋ اعىمداعى جىلدىڭ جەلتوقسان ايىنا جوسپارلانعان. نىسان قۇرىلىسىنا جاۋاپتى مەردىگەر - «Bazis Construction» ج ش س.
قونايەۆ داڭعىلى جالعاسى قۇرىلىسىنىڭ 2 كەزەڭى جۇمىستارى «سيتي ستروي» كورپوراسياسى تاراپىنان اتقارىلۋدا. قازىرگى تاڭدا اتالعان نىسان بويىنشا جەر نەگىزىن جاساۋ جۇمىستارى جۇزەگە اسىرىلۋدا.
قونايەۆ داڭعىلى جالعاسى قۇرىلىسىنىڭ 3ء-شى كەزەڭىنىڭ قۇرىلىس جۇمىستارى «كازاحدورستروي» ج ش س -نە جۇكتەلگەن. بۇگىنگى تاڭدا 700 م ەكى باعىتتى اينالما تەمىر جولىن، 948 م كارىز قۇبىرىن سالۋ، 3،4 شاقىرىم كابەل جەلىلەرى، 24 تەمىر جول ەلەكتر باعانالارىن جانە 2 دانا جەر استى جاياۋ جۇرگىنشىلەر وتكەلدەرىن ورناتۋ جۇمىستارى ورىندالدى.
شىمكەنت قالاسى بويىنشا 71 كوشە، ياعني 49،8 شاقىرىم جولدى كۇردەلى جوندەۋدەن وتكىزۋ جوسپارلانعان. اتاپ ايتقاندا، قاراتاۋ اۋدانى بويىنشا 15،4 شاقىرىم، اباي اۋدانى بويىنشا 9،1 شاقىرىم، ەڭبەكشى اۋدانى بويىنشا 9،1 شاقىرىم جول كۇردەلى جوندەۋدەن وتەدى.
سونداي-اق، قازىرگى ۋاقىتتا شىمكەنت قالاسى بويىنشا جالپى ۇزىندىعى 21،9 شاقىرىم 9 ماگيسترالدى كوشەدە ورتاشا جوندەۋ جۇمىستارى جۇرگىزىلۋدە.
ىشكى ورام كوشەلەرى بويىنشا جالپى 151 كوشە، 180،4 شاقىرىم جوندەۋ جۇمىستارى قولعا الىنعان. قازىرگى تاڭدا 66 كوشەدە جوندەۋ جۇمىستارى اياقتالدى.