شىمكەنتتە زاڭسىز جولمەن قامىر قوپسىتقىشى مەن قۇرعاق ءسۇت ونىمدەرىن ءوندىرىپ كەلگەن جاسىرىن سەحقا قاتىستى سوت شەشىمى شىعارىلدى. جىل باسىنان بەرى زاڭسىز جولمەن «Cykoyra S.A» جانە «Frima» ساۋدا بەلگىلەرىنىڭ تاۋارلارى شىمكەنت قالاسىندا ورنالاسقان قويمالاردىڭ بىرىندە ءوندىرىلىپ كەلگەن.

كونترافاكتىلى ونىمدەر اۋىر جۇك كولىكتەرىنە تيەلىپ سەحتان تىكەلەي قالاداعى ساۋدا ورىندارىنا جانە ەلىمىزدىڭ وزگە دە ايماقتارىنا جىبەرىلىپ وتىرعان. مۇنى بايقاعان اتالعان تاۋار تاڭبالارىنىڭ يەلەرى شىمكەنت قالاسىنىڭ ادىلەت دەپارتامەنتىنە جۇگىنگەن.

ادىلەت دەپارتامەنتى قىزمەتكەرلەرى ارىزدانۋشىلارمەن قۇقىقتىق ءتۇسىندىرۋ جۇمىستارىن جۇرگىزىپ، ناتيجەسىندە، اباي اۋداندىق پوليسيا باسقارماسى «Cykorya S.A.» اتاۋىمەن قامىر قوپسىتقىشى (رازرىحليتەل تەستا) جانە «Frima» قۇرعاق ءسۇت ونىمدەرى قالادا ورنالاسقان قويمانىڭ بىرىندە زاڭسىز شىعارىپ وتىرعان تۇلعانى انىقتادى.

ءوز كەزەگىندە دەپارتامەنت قىزمەتكەرلەرى قوزعاعان اكىمشىلىك قۇقىق بۇزۋشىلىق تۋرالى ءىس قۇجاتتارىن مامانداندىرىلعان سوتقا جولدادى. سوتتىڭ 11 تامىزداعى قاۋلىسىمەن قۇقىق بۇزۋشىعا 58 340 تەڭگە كولەمىندە ايىپپۇل سالىنىپ، قۇنى 16 933 870 تەڭگە قۇرايتىن ايعاقتى زاتتاردى تاركىلەۋ تۋرالى شەشىم قابىلدادى. قۇقىق بۇزۋشى ايىپپۇل تولەدى.

ونىمدەردى زاڭسىز شىعارعان تۇلعا قۇقىق يەلەرىنە كەلتىرگەن زيانى 2000 اەك اسپايتىن بولعاندىقتان، ياعني قىلمىستىق ەمەس، اكىمشىلىك جاۋاپكەرشىلىككە اكەلەتىن زاڭسىز ارەكەتتەر انىقتالعاندىقتان ماتەريال ادىلەت دەپارتامەنتىنە كەلىپ ءتۇستى. كونترافاكتىلى ونىمدەردىڭ ءتۇپنۇسقادان ايىرماشىلىعى قوراپتارىنان، جارامدىلىق مەرزىمى تۋرالى بەلگىلەردەن، تاۋارلار تۇسىنەن، سالماعىنان بايقالادى.

سوتتىڭ ماجبۇرلەپ ورىنداتۋ بويىنشا قاۋلىسى سوت ورىنداۋشىلارعا كەلىپ تۇسكەننەن كەيىن ايعاقتى زاتتار جويىلاتىن بولادى.