شىمكەنت قالاسىندا «ەڭبەك» مەملەكەتتىك باعدارلاماسى ارقىلى ۋاقىتشا جۇمىسقا ورنالاسىپ، ءوز ماماندىعى بويىنشا تاجىريبە جيناقتاپ جۇرگەن جاستاردىڭ سانى ارتۋدا.

شىمكەنت قالاسىندا «ەڭبەك» مەملەكەتتىك باعدارلاماسى ارقىلى ۋاقىتشا جۇمىسقا ورنالاسىپ، ءوز ماماندىعى بويىنشا تاجىريبە جيناقتاپ جۇرگەن جاستاردىڭ سانى ارتۋدا. سونداي جاستاردىڭ ءبىرى - تۇرسىنباي باقىتجان ۇلى.

بيىلعى جىلى م. اۋەزوۆ اتىنداعى ۋنيۆەرسيتەتتى «قورشاعان ورتانى قورعاۋ جانە ءومىر تىرشىلىگىنىڭ قاۋىپسىزدىگى» ماماندىعى بويىنشا اياقتاعان. قولىنا ديپلوم العان سوڭ، جۇمىسسىز مارتەبەسىمەن شىلدە ايىندا قالالىق حالىقتى جۇمىسپەن قامتۋ ورتالىعىنا جۇگىندى. ورتالىق قىزمەتكەرلەرى جاس مامانعا «جاستار پراكتيكاسى» باعدارلاماسىنا قاتىسۋدى ۇسىندى.

وسىلايشا، ول شىمكەنت قالاسىنداعى توتەنشە جاعدايلار دەپارتامەنتىنە جىل سوڭىنا دەيىن جولداندى.قازىرگى ۋاقىتتا ءوز ماماندىعىم بويىنشا تاجىريبە جيناپ، ەڭبەكاقىمدى ادال الىپ ءجۇرمىن. ەندى ۋاقىتشا جۇمىستان تۇراقتى جۇمىسقا ورنالاسىپ، مامان يەسى اتانۋ جوسپارىم بار.

«ەڭبەك» باعدارلاماسىنىڭ ءۇشىنشى باعىتى – جاستار پراكتيكاسى جوعارى وقۋ ورىندارى مەن كوللەدج تۇلەكتەرىنىڭ مەڭگەرگەن ماماندىعى بويىنشا باستاپقى جۇمىس تاجىريبەسىن الۋ ماقساتىندا ۇيىمداستىرىلعان.

ايتا كەتسەك، بيىل قالالىق جۇمىسپەن قامتۋ ورتالىعى تاراپىنان 2500 جاستى اتالعان باعدارلاما اياسىندا جۇمىسقا ورنالاستىرۋ جوسپارلانعان. تاجىريبە جيناقتاپ جۇرگەن تۇلەكتەرگە 25 اەك كولەمىندە جالاقى تولەنەدى. ال، جىل باسىنان بەرى 2 مىڭنان استام شىمكەنتتىك جاس تاجيريبەدەن ءوتۋ ۇستىندە.