شىمكەنتتە ەرەكشە جوبا باستاۋ الدى. «زاعيپ جاندارعا سويلەيتىن كىتاپ سىيلا»، دەپ اتالىناتىن جوبا العاش رەت قولعا الىنىپ وتىر ەكەن. مادەنيەت باسقارماسى مۇرىندىق بولعان شارادا مادەنيەت مايتالماندارى مەن بەلگىلى اكتەرلار مەن ديكتورلار كىتاپتى وقىپ ءۇنتاسپاعا جازىپ الىپ تاراتىپ جاتىر.

ياعني وقي المايتىن زاعيپ جاندار كىتاپتىڭ تولىق نۇسقاسىنىڭ اۋديو جازبالارىن تىڭدايتىن بولادى. اكسياعا كەز-كەلگەن قالا تۇرعىنى ءوز ۇلەسىن قوسا الادى.

ارنايى كىتاپحاناعا قالامىزىدىڭ تەاتر اكتەرلارى، ديكتورلار جانە ءتۇرلى سالا قىزمەتكەرلەرى كەلىپ قايىرىمدىلىق شاراسىنا اتسالىسۋدا. شەت ەل جانە جەرگىلىكتى جازۋشىلاردىڭ تىڭ تۋىندىلارىن دىبىستاپ، سويلەيتىن كىتاپتاردىڭ قاتارىن كوبەيتۋدە. كىتاپحانا ديرەكتورىنىڭ ايتۋىنشا الداعى ۋاقىتتا دا بۇل ساۋاپتى ءىس-شارا جالعاسىن تابا بەرمەك.

مۇندا ءبىز ءوز كۇشىمىزبەن قازاقستاندىق، شەتەلدىك جانە جەرگىلىكتى جازۋشىلاردىڭ كىتاپتارىن دىبىستايمىز. ءبىزدىڭ كىتاپحانا 5931 كىتاپ شىعاردى.

ىلكىمدى ىسكە كومەك قولىن سوزۋعا ج. شانين اتىنداعى قازاق دراما تەاترىنىڭ اكتەرى ەركىنبەك شىمىرقۇلوۆ تا كەلگەن. مادەنيەت مايتالمانىنىڭ ايتۋىنشا بۇنداي قايىرىمدىلىق شارانىڭ بەرەكەسى مەن ساۋابى مول. زاعيپ جاندار ءبىز دىبىستاعان سويلەيتىن كىتاپتاردى تىڭداپ، ءىلىم الىپ، جادىنا تۇيەر دۇنيە الىپ جاسا ۇلكەن مارتەبە، - دەيدى تەتار اكتەرى.

ءبىز ءوز داۋىستارىمىزدى تەك ساحنادان نەمەسە ەكرانداردان عانا ەمەس، اۋديوكىتاپتار ارقىلى دا ەستۋگە قۋانىشتىمىز. ءبىز ديكتورلىق جۇمىسىمىزدىڭ كومەگىمەن زاعيپ جاندارعا قولداۋ كورسەتەمىز دەپ ۇمىتتەنەمىز. ەندى مۇنداي ادامدار جاڭا ءبىلىم مەن شىعارمالاردى وقۋدان ءلاززات الا الادى.

ايتا كەتەيىك كىتاپحانا قورىندا جالپى 140 مىڭنان استام وقۋلىق بولسا، ونىڭ 45 مىڭنان استامى سويلەيتىن كىتاپتار. سونىڭ 6 مىڭعا جۋىعى ءدال وسى ارنايى كىتاپحانادا دىبىستالعان.