شىمكەنت قالاسىندا وتكەن تاۋلىكتە 147 ادام كوروناۆيرۋس ىندەتىمەن اۋىرعانى بەلگىلى بولدى. ونىڭ ىشىندە كلينيكالىق بەلگىلەرى جوق 19 تاسىمالداۋشى تىركەلدى. ىندەت جۇقتىرعان 98 ادام ينفەكسيالىق ستاسيونارعا جاتقىزىلسا، 51 ادام ءۇي باقىلاۋىنا الىندى.

قازىرگى تاڭعا مامانداندىرىلعان ينفەكسيالىق ستاسيونارلاردا بارلىعى 3 780 ورىن بار، توسەك ورىن تولىمدىعى 55%-دى قۇرايدى، 1670 توسەك ورىن بوس. ينفەكسيالىق ستاسيوناردا 2110 ناۋقاس ەمدەلۋدە، جانساقتاۋ بولىمىندە 559 توسەك ورىن بار، 346 ناۋقاس ەم قابىلداۋدا.

جۇرگىزىلگەن زەرتحانالىق زەرتتەۋلەر (پتر) – 427 382، تاۋلىگىنە–1039. ءبىر تاۋلىك ىشىندە قالادا 4674 ادام ۆاكسينا الدى. ەگۋ ناۋقانى باستالعالى بارلىعى 413 654 ادام ۆاكسيناسيالاندى. ونىڭ ىشىندە 343 920 ادام ۆاكسينانىڭ ەكى كومپونەنتىن الدى. ولاردىڭ ءبىرى گۇلميرا اداي قىزى.

ول كوروناۆيرۋس ينفەكسياسىنا قارسى ۆاكسينا سالۋ پاندەميانى جەڭۋدىڭ جالعىز سەنىمدى جولى ەكەندىگىنە كۇمانى جوق. «ءار ازامات ءوز دەنساۋلىعى ءۇشىن جاۋاپتى»،- دەيدى ەكپەنىڭ ەكىنشى كومپوننەتىن قابىلداعان قالا تۇرعىنى.

مەن ۆاكسيناسيا تۋرالى كوپ وقىپ، اقپارات جينادىم. سودان ءوزىمنىڭ جانە جاقىندارمنىڭ دەنساۋلىعى ءۇشىن مەن ۆاكسينا قابىلدايمىن دەپ شەشتىم. مەن مۇلدەم وكىنبەيمىن. بۇگىن ۆاكسينانىڭ ەكىنشى كومپونەنتى سالىندى. ءوزىمدى جاقسى سەزىنىپ تۇرمىن. بارلىق تۇرعىنداردى ۆاكسينا الۋعا شاقىرامىن.

قالا اۋماعىندا سانيتارلىق-ەپيدەميولوگيالىق تالاپتاردىڭ ساقتالۋىنا مونيتورينگ جۇرگىزەتىن 40 موبيلدىك توپ 23 تامىز كۇنى 449نىسانعا تەكسەرۋ جۇمىستارىن جۇرگىزدى. ناتيجەسىندە 13 نىساندا كارانتين رەجيمىنىڭ تالاپتارى بۇزىلعاندىعى انىقتالىپ، اكىمشىلىك حاتتامالار تولتىرىلدى.