مەككە ماڭىندا قازا تاپقانداردىڭ سانى 2 مىڭعا جەتتى. بۇل تۋرالى «قامشى» پورتالى ريا نوۆوستي سايتىنا سىلتەمە جاساي وتىرىپ حابارلايدى. يراندىقتاردىڭ قاجىلىق ساپارىن ۇيىمداستىرۋ ۇيىمىنىڭ جەتەكشىسى سايد وحادي ساۋد ارابياسىنداعى دەرەككوزدەرگە سىلتەمە جاساي وتىرىپ، Press TV تەلەارناسىنا وسى تۋرالى حابار تاراتقان. سونىمەن قاتار، يراننىڭ باس ءمۇفتيى ءالي حامەنەي قايعىلى وقيعاعا ساۋد ارابياسىنىڭ بيلىگىنىڭ "سالاقتىعى" مەن "قاتە ارەكەتتەرى" سەبەپ بولعانىن اشىق مالىمدەدى.
ساۋد ارابياسىنىڭ رەسمي مالىمەتتەرىندە 717 ادام قازا تاۋىپ، كەم دەگەندە 863 ادام جاراقات الدى دەپ اقپارات تاراعان ەدى. ءوز كەزەگىندە يراننىڭ جوعارعى ليدەرىنىڭ وكىلى حودجاتولەسلام سەيەد ءالي گازي-اسكار مەككە ماڭىندا ادامداردىڭ قىسىلۋىنان يراننان بارعان 365 ادامنىڭ ءىز-تۇسسىز جوعالعانىن مالىمدەپ وتىر. بۇعان دەيىن ول يراننان بارعان 131 مۇسىلماننىڭ قازا بولعانىن حابارلاعان ەدى. يران بيلىگى توتەنشە جاعدايدان قازا بولعانداردى ەسكە الۋ ءۇشىن ءتورت كۇنگە قارالى كۇن جاريالادى.
«قامشى» سىلتەيدى
