مەملەكەت باسشىسى كەشەگى جولداۋىندا وڭىرلەردى دامىتۋدىڭ ۇلتتىق جوباسى اياسىندا بەس جىل ىشىندە حالىقتى 100 پايىز تازا اۋىزسۋمەن قامتاماسىز ەتۋدى تاپسىردى. شىمكەنت قالاسىندا وسى باعىتتا اۋقىمدى جۇمىستار اتقارىلۋدا.

ماسەلەن، قالاداعى ەلدى مەكەندەردى اۋىز سۋمەن قامتاماسىز ەتۋ ماقساتىندا بيىل 14 نىساننىڭ قۇرىلىس جۇمىستارى جۇرگىزىلۋدە. ساپالى اۋىز سۋمەن قامتۋ بويىنشا قۇرىلىس جۇمىستارىنىڭ ءبىرى «تۇران» شاعىن اۋدانىندا.

بۇل شاعىن اۋداندا اۋىز سۋ جۇيەسىن تارتۋ جۇمىستارى 2018 جىلى مەردىگەر مەكەمە «ءۇشساي» جشس-گىمەن باستالعان بولاتىن. جالپى ۇزىندىعى 59،8 شاقىرىمدى قۇرايدى. بۇگىندە اۋىز سۋ قۇبىرىنىڭ قۇرىلىسى 100 پايىز اياقتالىپ، قۇبىرلاردى جۋىپ-شايۋ جۇمىستارى جۇرگىزىلۋدە. قىركۇيەك ايىنىڭ سوڭىندا «تۇران» شاعىن اۋدانىنداعى 12 600 ادام ساپالى اۋىز سۋمەن قامتىلادى. جالپى اتالعان شاعىن اۋداندا 1745 جەكە تۇرعىن ءۇي مەن 59 كوپقاباتتى ءۇي بار.

ەسكە سالساق، 2015 جىلى بەكىتىلگەن شاھاردىڭ باس جوسپارىنا ساي تۇران شاعىن اۋدانى قالانىڭ سولتۇستىك بولىگىندە ورنالاسقان. جالپى الاڭى 1190 گاكتاردى قۇرايدى. شاعىناۋدان باتىسىندا بايدىبەك بي داڭعىلىمەن شەكتەسەدى، سولتۇستىگىندە ا-2 «الماتى-تەرمەز» اۆتوكولىك ءدالىزى جاتىر.

ايتا كەتەيىك، وسى جىلى مەگاپوليستە 3 ماگيسترالدى سۋاققى، تاسىمالدى 7 ەلدى مەكەن جانە اىزسۋدى كەستەمەن پايدالانىپ كەلەتىن ەكى ەلدى مەكەننىڭ قۇرىلىسى اياقتالىپ، 25،6 مىڭ ادام اۋىز سۋمەن قامتىلادى. ناتيجەسىندە، قامتىلۋ كورسەتكىشى 95،6%-دان 98 پايىزعا وسپەك.

وعان قوسا بيىل دوستىق تۇرعىن الابىن ەلەكترمەن جابدىقتاۋ جۇمىسى اياقتالادى. قاراتاۋ اۋدانى اۋماعىندا ورنالاسقان دوستىق تۇرعىن الابىن ساپالى ەلەكتر قۋاتىمەن قامتۋ جۇمىسى «جولسەرىك» ج ش س تاراپىنان بيىلعى جىلدىڭ ماۋسىم ايىندا باستالعان.

وسى جۇمىستاردىڭ ساپالى جۇرگىزىلۋىن باقىلاۋ ماقساتىندا قالا اكىمى م.ايتەنوۆتىڭ تۇرعىندارعا جايلى جانە قولايلى ءومىر ءسۇرۋ ورتاسىن قالىپتاستىرۋ تۋرالى بەرگەن تاپسىرماسى نەگىزىندە ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى بورانباي بۋلاتبەكوۆ قۇرىلىس جۇمىستارىنىڭ بارىسىن پىسىقتادى.

قازىرگى ۋاقىتتا مۇندا 224 ەلەكتر باعاناسى ورناتىلىپ، 14 شاقىرىم ەلەكتر جەلىسى تارتىلدى. قۇرىلىس جۇمىستارىنىڭ 70 % اياقتالدى. جىل سوڭىنا دەيىن قۇرىلىس جۇمىستارى تولىعىمەن اياقتالادى.

سودان كەيىن، «وڭتۇستىكجارىقترانزيت» جشس-مەن ءار ۇيگە جەكە ەسەپ شوت اشىپ، ەلەكتر قۋاتىنا قوسۋ جۇمىستارى جۇرگىزىلەتىن بولادى. ناتيجەسىندە دوستىق تۇرعىن الابىنداعى 234 وتباسى ساپالى ەلەكتر قۋاتىمەن قامتاماسىز ەتىلەدى.