شىمكەنت قالاسىنداعى جۇقپالى اۋرۋلار اۋرۋحاناسىنىڭ دارىگەرلەرى وكپەسىنىڭ 85 پايىزى زاقىمدالعان قارت كىسىنى امان الىپ قالدى. كومپيۋتەرلىك توموگرافيا ناتيجەسىندە ناۋقاستا ەكى جاقتى پنيەۆمونيا انىقتالعان. بۇعان قوسا پتر ساراپتاماسى بويىنشا ەگدە جاستاعى ازاماتشادا Covid-19 ۆيرۋسى بار ەكەنى بەلگىلى بولعان.

ناقتىراق ايتساق، 1952 جىلعى قالا تۇرعىنى ۇلاس يساق قىزى اعىمداعى جىلدىڭ 28-شىلدە كۇنى اۋىر حالدە جۇقپالى اۋرۋلار اۋرۋحاناسىنا جەدەل جاردەم قىزمەتىمەن جەتكىزىلگەن بولاتىن. 3 تامىز كۇنى ناۋقاستىڭ جاعدايى كۇرت ناشارلاعان سوڭ دارىگەرلەر جانساقتاۋ بولىمىنە اۋىستىرىپ، جاساندى تىنىس الۋ اپپاراتىنا قوسادى. ەمدەۋ بارىسىندا قارت كىسىگە رەانيماسيالىق جانە ۆيرۋسقا قارسى تەراپيالىق ەمدەر ۇزدىكسىز جۇرگىزىلدى. اراعا ءبىر اي سالىپ، ناۋقاستىڭ جاعدايى جاقسارعان سوڭ دارىگەرلەر ونى پالالاتاعا اۋىستىرعان.

دارىگەردىڭ ايتۋىنشا، ايلاپ جانساقتاۋ بولىمىندە جاتقان ناۋقاستىڭ سوزىلمالى اۋرۋلارىنا بايلانىستى اسقىنۋلار بولعان. دەگەنمەن ەمدەۋ جۇمىستارى وڭ ناتيجە كورسەتىپ، 69 جاستاعى كىسىنىڭ دەنساۋلىعى جاقسارعان.

– زەينەتكەرگە ەمدەۋ حاتتاماسى بويىنشا تولىق ەم جۇرگىزىلدى. ءقازىر ناۋقاستىڭ جاعدايى جاقسى. بۇگىن ۇيىنە شىعاردىق»- دەيدى جۇقپالى اۋرۋلار ورتالىعىنىڭ دارىگەرى سەيتالييەۆ نۇرلىبەك