شىمكەنت قالاسى تۇرعىندارىن ساپالى اۋىز سۋمەن قامتۋ جۇمىسى – قالا اكىمدىگىنىڭ كۇن تارتىبىندەگى ماڭىزدى ماسەلەلەردىڭ ءبىرى. قازىرگى ۋاقىتتا قالا تۇرعىندارىن ساپالى اۋىز سۋمەن قامتۋ جانە سۋ ساپاسىن ارتتىرۋ ماقساتىندا 11 ەلدىمەكەندە قۇرىلىس جۇمىستارى قارقىندى ءجۇرىپ جاتىر.
بۇل جىلى بارلىعى 9 ەلدىمەكەندە قۇرىلىس جۇمىسى اياقتالىپ، 25 مىڭنان استام قالا تۇرعىنى ساپالى اۋىز سۋمەن قامتىلاتىن بولادى. بيىل اۋىز سۋ ماسەلەسى شەشىلەتىن ەلدىمەكەندەر قاتارىندا نۇرتاس شاعىن اۋدانى دا بار.
قاراتاۋ اۋدانىنا قاراستى نۇرتاس شاعىن اۋدانىنداعى جاڭا قۇرىلىس اۋماعىن اۋىز سۋمەن قامتۋ جۇمىسى وسى جىلدىڭ ماۋسىم ايىنان باستالعان.
مەردىگەر مەكەمە «Turan Energo Group» ج ش س تاراپىنان جۇرگىزىلگەن قۇرىلىس جۇمىستارىنىڭ بۇگىندە 45 پايىزى اياقتالدى. جوبا بويىنشا ۇزىندىعى 40،8 شاقىرىمدى قۇرايتىن اۋىز سۋ قۇبىرىنىڭ بۇگىندە 18،36 شاقىرىمى ورناتىلدى.
قاراشا ايىندا قۇرىلىس-مونتاج جۇمىستارى تولىعىمەن اياقتالىپ، نۇرتاس شاعىن اۋدانىنداعى 2500 تۇرعىن ساپالى اۋىز سۋمەن قامتىلاتىن بولادى.
پىكىر قالدىرۋ