ق ر پرەمەر-مينيسترى ا. ءماميننىڭ توراعالىعىمەن وتكەن قازاقستان ۇكىمەتىنىڭ وتىرىسىندا مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ جوباسى قارالىپ، ينفلياسياعا قارسى ارەكەت ەتۋ جونىندەگى شارالار كەشەنى قابىلداندى.

سەلەكتورلىق رەجيمدە وتكەن جيىنعا شىمكەنت قالاسىنىڭ اكىمى مۇرات ايتەنوۆ، ورىنباسارلارى مەن بارلىق باسقارما باسشىلارى قاتىستى.

ەلىمىزدەگى باعا ءوسىمى بويىنشا بايانداعان ق ر ساۋدا جانە ينتەگراسيا ۆيسە-مينيسترى ەرجان قازانبايەۆ شىمكەنتتە سوڭعى ايلاردا تۇرعىن ءۇي باعاسى 4 پايىزعا تومەندەگەنىن ايتتى. ماسەلەن، «وتاۋ گرۋپپ» جشس-نىڭ ۇيلەرىنىڭ شارشى مەترى 300 مىڭ تەڭگەدەن 270 مىڭعا تۇسكەن.

ايتا وتسەك، بيىل شىمكەنت قالاسىندا بارلىق قارجى كوزدەرىنەن 1 188،5 مىڭ شارشى مەتر قۇرايتىن 275 كوپقاباتتى تۇرعىن ءۇيدىڭ (14 551 پاتەر) قۇرىلىسى جۇرگىزىلۋدە. ونىڭ ىشىندە:

- قۇرىلىس باسقارماسىمەن 374،1 مىڭ ش.م. 79 ءۇي (4 832 پاتەر)؛
- SHYMKENT»اكك» اق-مەن 93،4 مىڭ ش.م. 18 ءۇي (1 080 پاتەر)؛
- جەكە سالۋشىلارمەن 721،0 مىڭ ش.م. 178 ءۇي (8 639 پاتەر).
جوسپارعا سايكەس، بۇل جىلى 570 مىڭ شارشى مەتر كوپقاباتتى ءۇي پايدالانۋعا تاپسىرىلادى دەپ كۇتىلۋدە.

سونىمەن قاتار، ۇكىمەت وتىرىسىندا ەلىمىزدە باعانىڭ ءوسۋىن تەجەۋ ماقساتىندا 2021 - 2024 جىلدارعا ارنالعان ينفلياسياعا قارسى ارەكەت ەتۋ شارالارى كەشەنىنىڭ جوباسى قارالىپ، ماقۇلداندى.