بۇگىن شىمكەنت قالاسىنىڭ اكىمى مۇرات ايتەنوۆ مەملەكەت باسشىسى مىندەتتەگەن تاپسىرمالاردىڭ قاراتاۋ اۋدانىندا جۇزەگە اسىرىلۋىن باقىلاۋ ءۇشىن اۋدانداعى ينجەنەرلىك ينفراقۇرىلىم جۇمىستارىمەن تانىستى.
بۇگىن شىمكەنت قالاسىنىڭ اكىمى مۇرات ايتەنوۆ مەملەكەت باسشىسى مىندەتتەگەن تاپسىرمالاردىڭ قاراتاۋ اۋدانىندا جۇزەگە اسىرىلۋىن باقىلاۋ ءۇشىن اۋدانداعى ينجەنەرلىك ينفراقۇرىلىم جۇمىستارىمەن تانىستى.
اۋدان اۋماعىندا ورنالاسقان 24 ەلدى مەكەندە 247 مىڭنان استام حالىق تۇراتىنىن ايتقان اۋدان اكىمى ا.ءالىقۇلوۆ بۇگىندە 18 ەلدى مەكەن ساپالى اۋىز سۋمەن قامتىلعانىن، ەكى ەلدىمەكەن كەستەمەن، قالعان تورتەۋى تاسىمالدى سۋ پايدالاناتىنىن جەتكىزدى.
حالىق تۇتىناتىن سۋدىڭ ساپاسىن ارتتىرۋ ماقساتىندا بيىل قاراتاۋ اۋدانى بويىنشا 3 ماگيسترالدى سۋاققىنىڭ قۇرىلىسى جانە 3 شاعىن اۋداندا اۋىز سۋ جۇيەسى تارتىلىپ جاتىر.
قاراتاۋ اۋدانىندا اۋىز سۋ ينفراقۇرىلىمى بويىنشا اتقارالىپ جاتقان جۇمىستار جايىن شىمكەنت قالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بولاتبەكوۆ باياندادى.
ونىڭ ايتۋىنشا، 3 ماگيسترالدى سۋاققىنىڭ قۇرىلىسى كەستەگە ساي جۇرگىزىلۋدە ەكەن. سونىمەن بىرگە جالپى ۇزىندىعى 59،8 شاقىرىمدى قۇرايتىن تۇران شاعىن اۋدانىنداعى اۋىز سۋ قۇبىرىنىڭ قۇرىلىسى 100 پايىز اياقتالىپ، بۇگىندە قۇبىرلاردى جۋىپ-شايۋ جۇمىستارى اتقارىلۋدا.
ال، اسار-2 شاعىن اۋدانىن اۋىز سۋمەن قامتاماسىز ەتۋ بويىنشا 156،1 شاقىرىمدى قۇرايتىن ىشكى ورامدىق جۇيەلەرىنىڭ قۇرىلىس جۇمىستارى جۇرگىزىلۋدە. جىل سوڭىنا دەيىن پايدالانۋعا بەرىلەتىن بولادى. نۇرتاس شاعىن اۋدانىنداعى ۇزىندىعى 40،8 شاقىرىمدى قۇرايتىن اۋىز سۋ قۇبىرىنىڭ بۇگىندە 18،36 شاقىرىمى ورناتىلعان. اتالعان جۇمىستار اياقتالۋىنا وراي، اۋداندا 7 مىڭعا جۋىق تۇرعىن ساپالى اۋىز سۋمەن قامتىلىپ، كورسەتكىش 83،5 پايىزدى قۇرايتىن بولادى. ايتا كەتەيىك، اۋدان اۋماعىندا اۋىز سۋمەن قامتۋدى قاجەت ەتەتىن 6 ەلدى مەكەن بار. ولار اسار-2 ش/ا (2 كەزەك)، بوزارىق س/ج، قايناربۇلاق ت/ا، يسفيدجاب ت/ا، سايرام ت/ا، قىزىلسۋ تۇرعىن الاپتارىنىڭ جاڭا قۇرىلىس اۋماقتارى. اتالعان ەلدى مەكەندەر «شىمكەنت قالاسىن دامىتۋدىڭ 2020-2023 جىلدارعا ارنالعان ءىس-شارا جوسپارىنا» ەنگىزىلگەن.
قالاداعى اۆتوموبيل جولدارىنىڭ ۇزىندىعى 3247 شاقىرىمدى قۇرايدى. ونىڭ 1151،5 شاقىرىمى قاراتاۋ اۋدانىنا قاراستى. قازىرگى تاڭدا اۋدانداعى جولداردىڭ 582 شاقىرىمى اسفالت، 486،1 شاقىرىمى شاعال تاس بولسا، 83،3 شاقىرىمى توپىراق جول بولىپ تابىلادى. بيىل مۇندا 89،1 شاقىرىم اسفالت جولعا جوندەۋ جۇرگىزىلىپ، 62 شاقىرىم جولعا شاعال تاس توسەۋ جوسپارلانعان.
قالا اكىمىنىڭ قاراتاۋ اۋدانىنا بارعان ساپارى كەزىندە جول بويىنشا اتقارىلعان جۇمىستاردى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ە.جولداسوۆ باياندادى.
كۇردەلى جوندەۋ جۇمىستارىنا سايكەس، «الەم ترانس جول» قۇرىلىس كومپانياسىنىڭ مەردىگەرلىگىمەن 17 كوشەگە، ياعني 19،3 شاقىرىم جول جوندەلىپ، بۇگىندە ونىڭ 65% پايدالانۋعا بەرىلگەن. اۋداندا كۇردەلى جوندەۋ بويىنشا 34،7 شاقىرىمعا اياقجول سالۋ جۇمىستارى ءجۇرىپ جاتىر.
ورتاشا جوندەۋ جۇمىستارى بويىنشا جالپى سانى 38 شالعاي جانە ىشكى ورام كوشەلەرى، ياعني 54،4 شاقىرىم جول جوندەۋدەن وتۋدە. ونىڭ ىشىندە 26 كوشە (68،4%) تولىعىمەن اياقتالعان، 2 سوتپەن توقتاتىلعان، ال 10 جۇمىس بارىسىندا. سونىمەن قوسا 17،3 شاقىرىمدىق اياقجولعا ورتاشا جوندەۋ جۇمىستارى جۇرگىزىلۋدە. بۇل جۇمىستار جىل سوڭىنا دەيىن اياقتالادى.
ال، قيىرشىق تاس توسەۋ جۇمىستارىن مەردىگەر مەكەمە «پريمەر-ستروي» ج ش س جۇرگىزدى. اۋدانعا قاراستى شاعىن اۋداندارىنداعى 62 شاقىرىمدى قۇرايتىن 102 كوشەگە شاعال تاس توسەلۋ ۇستىندە. بۇگىندە جۇمىستاردىڭ 76 پايىزى اياقتالعان. ايالداما جاعدايىنا كەلەر بولساق، سىرىم باتىر كوشەسىنە 30 جاڭا ايالداما جانە تاسكەن شاعىن اۋدانىنا 10 ەسكى ايالداما ورناتىلدى. 2022 جىلعى جوسپارعا سايكەس قاراتاۋ اۋدانىنداعى ۇزىندىعى 50،9 شاقىرىم بولاتىن 43 كوشەگە اسفالت سالۋ جوسپارلانىپ وتىر.
شىمكەنتتەگى قاراتاۋ اۋدانىندا وسى جىلعا دەيىن 1272 كوشەنىڭ 36 كوشەسى جارىقتاندىرىلعان بولاتىن. بيىل اۋداندا مەملەكەتتىك-جەكەشەلىك ارىپتەستىك اياسىندا تاعى 40 كوشە جارىقتاندىرىلادى. ءقازىر ونىڭ 19 كوشەسىندە قۇرىلىس جۇمىستارى اياقتالىپ، جارىقشامدار قويىلدى. بۇل تۋرالى مەگاپوليس اكىمىنە ەنەرگەتيكا جانە ينفراقۇرىمدى دامىتۋ باسقارماسىنىڭ باسشىسى ب.بۋلاتبەكوۆ باياندادى.
اتاپ ايتقاندا، جولامان، ساربازدار، اشيروۆ، گۇلدالا، التىنسارين، مۇزتاۋ، اقپەيىل، ارايلى تاڭ، زەڭگى اتا، اقبوتا، تۇلكييەۆ، بوزارىق ش/ا ۇستامۇحامات، اقجايىق ش/ا بوكەيحانوۆ، نۇرتاس ش/ا شەرتەر، قازاق راديوسى، اق التىن، زەرە، قۇسقوڭىر جانە كەنتارا كوشەلەرى.
بۇدان بولەك، جىل سوڭىنا دەيىن 21 كوشە - نازاربايەۆ، اسار ش/ا جەيحۋن جانە بالالار ەمحاناسىنىڭ اۋماعى، اقباستاۋ، نۇرسات ش/ا ىشكى ورامدارعا، امانگەلدى جانە تولەمەتوۆ كوشەلەرىنە، قايناربۇلاقتاعى ستەپنايا كوشەسىنە، سىرگەلى، اسار ش/ا №4 جانە اتەكەنت كوششەلەرى، ورمانشى ش/ا الاتاۋ، سايرام ت/ا يبراگيم اتا، مەرگەن توبە، كەمەقالعان، باباش ۇلى، وتەبايەۆ، بالقىبەكوۆ، ءابدىروۆ، بەكماحانوۆ، مارتوبە ت/ا ورتالىق كوشەلەر جارىقتاندىرىلماق.
مەملەكەت باسشىسىنىڭ بۇقارالىق سپورتتى دامىتۋ تۋرالى تاپسىرماسىنا سايكەس شىمكەنت قالاسىندا اۋقىمدى شارالار قولعا الىنعان. قاراتاۋ اۋدانىنىڭ وزىندە بۇل جىلى 32 اۋلاعا قوسىمشا بالالار ويىن جانە سپورت الاڭشالارىن سالۋ جۇمىستارى جوسپارلانعان. قالا اكىمىنە بۇل باعىتتاعى اتقارىلعان جۇمىستار جونىندە اۋدان اكىمى ا.ءالىقۇلوۆ بايانداپ ءوتتى.
تۇران شاعىن اۋدانىنداعى اديا تۇرعىن ءۇي كەشەنى مەن اسار شاعىن اۋدانىندا ورنالاسقان 3 اۋلانى اباتتاندىرۋ جانە حالىق قاتىساتىن بيۋدجەت جوباسى اياسىندا 4 اۋلا، 1 ەلدى مەكەنگە (تۇران ش/ا وتاۋ ستروي ت/ك، وتەمىس ت/ا) بالالار ويىن الاڭشاسىن سالۋ جۇمىستارى جۇرگىزىلىپ جاتقانىن ايتتى.
21 اۋلاعا (تۇران ش/ا، اقجايىق ش/ا، اسار ش/ا) بالالار ويىن الاڭشاسى مەن جاتتىعۋ ترەناجەرلارىن ورناتۋعا قارجى قارالعان. قازىرگى تاڭدا اۋلالاردىڭ مەملەكەتتىك اكتىلەرى راسىمدەلگەن.
اشىق سپورت الاڭشالارىنا كەلەر بولساق، اۋداندا 25 اشىق سپورت الاڭشاسى مەن 2 امبەباپ سپورت الاڭشاسى سالىناتىن بولدى.
سونىمەن قاتار، بوزارىق شاعىناۋدانى مەن قايناربۇلاق تۇرعىن الابىنا دەمەۋشىلەر ەسەبىنەن اشىق سپورت الاڭشاسى سالىنىپ، ەل يگىلىگىنە پايدالانۋعا بەرىلگەنىن جەتكىزدى.
قاراتاۋ اۋدانى تۇرعىندارىنىڭ 73،7 پايىزى بۇگىندە تابيعي گازبەن قامتىلعان. سەبەبى مۇندا جاڭا قۇرىلىس الاڭدارى سالىنىپ، حالىق قونىستانىپ كەلەدى. اۋدان تۇرعىندارىن كوگىلدىر وتىنمەن قامتۋ ماقساتىندا بيىل ءبىر ماگيسترالدى گاز قۇبىرى مەن ءتورت ەلدىمەكەنگە گاز قۇبىرىن تارتۋ جۇمىستارى جۇرگىزىلۋدە.
وسى باعىتتا اتقارىلىپ جاتقان جۇمىستاردى قالا اكىمى م.ايتەنوۆكە قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بۋلاتبەكوۆ باياندادى.
قازىرگى ۋاقىتتا قاراتاۋ اۋدانىنا قاراستى دوستىق شاعىن اۋدانىندا 46،06 شاقىرىمدى، اسار-2 شاعىن اۋدانىندا 50،4 شاقىرىمدى قۇرايتىن ىشكى ورامدىق جۇيلەرىنىڭ قۇرىلىسى مەن ازات شاعىن اۋدانىندا گاز قۇبىرلارىن تارتۋ جۇمىستارى جۇرگىزىلۋدە. قازان ايىندا پايدالانۋعا بەرۋ جوسپارلانۋدا. سونىمەن قاتار، تاسساي شاعىن اۋدانىندا كەلەر جىلعا وتپەلى گاز قۇبىرىن تارتۋ جۇمىستارى وسى جىلى باستالادى.
ال قايناربۇلاق تۇرعىن الابىن تابيعي گازبەن قامتاماسىز ەتۋ ماقساتىندا جوبالاۋ-سمەتالىق قۇجاتتاما ازىرلەنۋدە. مەملەكەتتىك ساتىپ الۋ كونكۋرسى ارقىلى «مپك پروەكت» ءجشس-ى انىقتالعان. 2022 جىلى جوباعا ساراپتاما قورىتىندىسىن الىپ، قۇرىلىس جۇمىستارىن جۇرگىزۋگە بيۋدجەتتەن قارجى بولۋگە ۇسىنىس بەرىلەدى. قۇرىلىس جۇمىستارى 2022-2023 جىلدارى جۇرگىزىلەتىن بولادى.
اتالعان جۇمىستار اياقتالۋىنا وراي، تابيعي گازبەن قامتىلۋ كورسەتكىشى - 85 پايىزدى قۇرايتىن بولادى.بۇگىنگى تاڭدا قاراتاۋ اۋدانىندا 47 مىڭنان استام تۇرعىن ءۇي بار. ونىڭ 80 پايىزعا جۋىعى مەملەكەتتىك قۋات كوزىنە قوسىلعان. ال، قالعانى جەكەمەنشىك ترانسفورماتوردان قۋات الادى. قازىردە قاراتاۋداعى بىرنەشە شاعىن اۋداندا ەلەكتر جەلىلەرىن تارتۋ جۇمىستارى جۇرگىزىلىپ جاتىر.
بۇل بويىنشا اتقارىلىپ جاتقان جۇمىستاردىڭ جايىن قالا اكىمى مۇرات ايتەنوۆكە قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بولاتبەكوۆ تانىستىرىپ ءوتتى.
ونىڭ ايتۋىنشا، اۋداندا قۋاتتىلىعى 220 كۆ «بوزارىق» قوسالقى ستانسياسى ىسكە قوسىلىپ، وسى كەشەننەن قۋات الاتىن «ءنۇرسات»، «استانا-1»، «استانا-2» قوسالقى ستانسيالارىنىڭ قۇرىلىستارى اياقتالعانىن جانە «1-م-1» قوسالقى ستانسياسى وسى ايدىڭ سوڭىندا پايدالانۋعا بەرىلەتىنىن جەتكىزدى.
«بوزارىق» قوسالقى ستانسياسى قالانىڭ قۇرىلىسى قارقىن العان سولتۇستىك بولىگىن ەلەكتر قۋاتىمەن قامتاماسىز ەتەدى. ياعني، اسار-2، تۇران، ىنتىماق-2، سولتۇستىك ساياجاي، باتىس، بوزارىق، قايناربۇلاق، شىمكەنتسيتي، دوستىق، ءنۇرسات شاعىن اۋداندارىنىڭ ەلەكتر قۋاتىنىڭ ساپاسى ارتادى.
قازىرگى ۋاقىتتا دوستىق تۇرعىن الابىندا 224 ەلەكتر باعاناسى ورناتىلىپ، 14 شاقىرىم ەلەكتر جەلىسى تارتىلعان. قۇرىلىس جۇمىستارىنىڭ 70 پايىزى اتقارىلعان. جىل سوڭىنا دەيىن قۇرىلىس جۇمىستارى تولىعىمەن اياقتالادى. سودان كەيىن، «وڭتۇستىكجارىقترانزيت» جشس-مەن ءار ۇيگە جەكە ەسەپ شوت اشىپ، ەلەكتر قۋاتىنا قوسۋ جۇمىستارى جۇرگىزىلەتىن بولادى. ناتيجەسىندە دوستىق تۇرعىن الابىنداعى 234 وتباسى ساپالى ەلەكتر قۋاتىمەن قامتاماسىز ەتىلەدى. بۇدان بولەك، تۇران مەن نۇرتاس شاعىن اۋداندارىندا جانە قايناربۇلاق تۇرعىن الابىندا ساپالى ەلەكتر جارىعىمەن قامتۋ ماقساتىندا قۇرىلىس جۇمىستارى جۇرگىزىلۋدە.
سونداي اق، اسار-2 شاعىن اۋدانىندا ەلەكتر باعانالارى ورناتىلىپ، ەلەكتر جەلىسى تارتىلىپ قويعان. وسى ايدىڭ سوڭىندا «1-م-1» قوسالقى ستانسياسى ىسكە قوسىلعاندا اسار-2 شاعىناۋدانى ساپالى ەلەكترمەن قامتىلاتىن بولادى.
وسى اتالعان جۇمىستاردىڭ بارلىعى تولىق اياقتالعان اۋدانداعى 12 مىڭ تۇرعىن مەملەكەتتىك قۋات كوزىنە قوسىلادى.
پىكىر قالدىرۋ