«ەڭبەك» مەملەكەتتىك باعدارلاماسىنىڭ «جاستار پراكتيكاسى» باعىتى بويىنشا جۇمىسقا ورنالاسقانداردىڭ ءبىرى - ۆالەريا پولۋكچي.

شىمكەنتتىك جاس بيىلعى جىلى قازتۇتىنۋوداعى قاراعاندى ەكونوميكالىق ۋنيۆەرسيتەتىن «كاسىپكەرلىك ەكونوميكا قۇقىعى سالاسىنداعى قۇقىقتىق رەتتەۋ» ماماندىعى بويىنشا ءتامامداعان. وقۋ ءبىتىرىپ، قولىنا ديپلوم العان جاس مامان شىلدە ايىندا شىمكەنت قالاسىنىڭ پوليسيا دەپارتامەنتىنە جاستار پراكتيكاسىمەن 6 اي مەرزىمگە جولدانىپ، قازىرگى تاڭدا تاجىريبە جيناقتاۋدا.

جالپى، «جاستار پراكتيكاسى» باعدارلاماسى جوعارى وقۋ ورىندارى مەن كوللەدج تۇلەكتەرىنىڭ مەڭگەرگەن ماماندىعى بويىنشا باستاپقى جۇمىس تاجىريبەسىن الۋ ماقساتىندا ۇيىمداستىرىلعان. باعدارلاماعا 29 جاستان اسپاعان «جۇمىسسىز» مارتەبەسى بار جانە سوڭعى ءۇش جىل ىشىندە (2019،2020،2021ج) جوعارعى وقۋ ورىندارى مەن كوللەدجدەردىڭ تەحنيكالىق جانە كاسىبي ءبىلىم تۇلەكتەرى ءبىر رەت قانا قاتىسا الادى. جالاقى كولەمى - 25 اەك.

جىل سوڭىنا دەيىن 2500 شىمكەنتتىك جاستى ۋاقىتشا جۇمىسپەن قامتۋ جوسپارلانعان بولسا، وسى ۋاقىتقا دەيىن 2350 جۇمىسسىز قالاداعى ءتۇرلى مەكەمەلەر مەن كاسىپورىندارعا جولدانعان. جوسپار 94 پايىزعا ورىندالىپ وتىر. ونىڭ ىشىندە 40-تان استامى جولدانعان مەكەمەلەردە تۇراقتى جۇمىسقا ورنالاسقان.