مەملەكەت باسشىسى ق.ك.توقايەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا ارناعان جولداۋىندا دەنساۋلىق ساقتاۋ جۇيەسىنىڭ تيىمدىلىگىن ارتتىرۋدى ايتتى.
وسى باعىتتا شىمكەنت قالاسىندا 2025 جىلعا دەيىن 1 مىڭ توسەك ورىندىق اۋرۋحانا سالىنادى. سونىمەن بىرگە 10 مەديسينالىق مەكەمەنىڭ قۇرىلىسى جۇرگىزىلەدى. قالا ورتالىعىنان شالعايدا ورنالاسقان اۋماقتاردا 12 دارىگەرلىك امبۋلاتوريانىڭ قۇرىلىسى باستالادى.
بۇگىندە 36 مەديسينالىق ۇيىمنىڭ ماتەريالدىق بازاسى جاڭارتىلعان. 6 مەديسينالىق ۇيىمنىڭ عيماراتتارى بيىل كۇردەلى جوندەۋدەن وتكىزىلگەن.
دەنساۋلىق ساقتاۋ جۇيەسىنىڭ تيىمدىلىگىن ارتتىرۋ ماقساتىندا جىل سايىن 300 مىڭنان استام سكرينينگتىك زەرتتەۋلەر جۇرگىزىلەدى. دارى-دارمەكپەن قامتاماسىز ەتۋ قاراجاتى ارتادى.
پرەزيدەنت وتاندىق دارى-دارمەك پەن قۇرال-جابدىقتىڭ ۇلەسىن بۇگىنگى 17 پايىزدان 50 پايىزعا جەتكىزۋ مەجەسىن بەلگىلەدى. قالامىزدا فارماسيەۆتيكالىق كلاستەر دامىعان. مەديسينا جابدىقتارىنىڭ ءوندىرىسى دە جولعا قويىلعان. بۇل كورسەتكىشكە قول جەتكىزۋگە مەگاپوليستىڭ الەۋەتى جەتەدى دەپ سەنەمىز.
