شىمكەنت قالاسى  ادىلەت دەپارتامەنتىنىڭ سوت ورىنداۋشىلارى شىمكەنت قالاسى ەكونوميكالىق تەرگەپ-تەكسەرۋ دەپارتامەنتى قىزمەتكەرلەرىمەن بىرلەسىپ  «سينيايا گورا»، «قىزىلجار»، «ايدابۋلسكايا» جانە ت.ب. ساۋدا بەلگىلەرىنىڭ زاڭسىز ونىمدەرىن جويدى.  ەڭبەكشى اۋداندىق سوتىنىڭ اتقارۋشىلىق پاراعى نەگىزىندە ساتىلىمعا دايىندالعان 8 070 دانا الكوگول ونىمدەرى جويىلدى. 

شىمكەنت قالاسى  ادىلەت دەپارتامەنتىنىڭ سوت ورىنداۋشىلارى شىمكەنت قالاسى ەكونوميكالىق تەرگەپ-تەكسەرۋ دەپارتامەنتى قىزمەتكەرلەرىمەن بىرلەسىپ  «سينيايا گورا»، «قىزىلجار»، «ايدابۋلسكايا» جانە ت.ب. ساۋدا بەلگىلەرىنىڭ زاڭسىز ونىمدەرىن جويدى.  ەڭبەكشى اۋداندىق سوتىنىڭ اتقارۋشىلىق پاراعى نەگىزىندە ساتىلىمعا دايىندالعان 8 070 دانا الكوگول ونىمدەرى جويىلدى. 

ايتا كەتەيىك، تەكسەرۋ شارالارى كەزىندە قالا تۇرعىنى گ.ت قالاداعى عيماراتتاردىڭ بىرىنەن سەح جالداپ، وندا ينتەرنەت جەلىسى ارقىلى 1500 000 تەڭگەگە ساتىپ العان ەتيل ءسپيرتىن، اراق جاباتىن قۇرالدى، اراق بوتەلكەلەرىنىڭ قاقپاقتارىن، ەتيكەتكالارىن، قوراپتارى مەن اكسيزدىك تاۋارلارعا جاپسىرىلاتىن ەسەپكە الۋ-باقىلاۋ ماركالارىن پايدالانىپ زاڭسىز ونىمدەر جاساۋمەن اينالىسقان. سول ونىمدەر مەن ماركالاردى پايدالانىپ، ەتيكەتكالاردى الكاگولدىك ونىمدەرگە جابىستىرۋ ارقىلى ساتپاق بولعان. سونىمەن قاتار جۇمىسقا ادامداردى، جۇك كولىگىن جالداعانى انىقتالعان. 

شىمكەنت قالاسى ەكونوميكالىق تەرگەپ-تەكسەرۋ دەپارتامەنتى ونىڭ زاڭسىز ىس-ارەكەتتەرىن اشكەرەلەپ، تەرگەپ-تەكسەرۋ شارالارىن جۇرگىزگەن. باستى سوت تالقىلاۋىندا سوتتالۋشى كىناسىن تولىق مويىنداعان. ەڭبەكشى اۋداندىق سوتىنىڭ ۇكىمىمەن سوتتالۋشى قك 233-بابىنىڭ 2 بولىگىندە كوزدەلگەن قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان 1 458 500 (ءبىر ملن ءتورت ءجۇز ەلۋ سەگىز مىڭ بەس ءجۇز) تەڭگە ايىپپۇل تۇرىندەگى جازا تاعايىندالدى. اتالعان زاڭسىز ونىمدەر شىمكەنت قالاسى ءال-فارابي اۋدانى ساۋلە مولتەكاۋدانىندا ورنالاسقان «Lead» جشس-دە ۋاقىتشا ساقتاۋدا تۇرعان جەرىنەن ساناۋ جۇمىستارى جۇرگىزىلىپ، قوقىس پوليگونىنا جەتكىزىلىپ، ارنايى تەحنيكا كومەگىمەن سىندىرىلىپ، توپىراقپەن كومۋ جولىمەن تولىق جويىلدى.