شىمكەنت قالاسىندا جۇرگىزىلىپ جاتقان ينجەنەرلىك ينفراقۇرىلىم جۇمىستارىنىڭ بارىسىمەن تانىستىرۋ ماقساتىندا ب ا ق وكىلدەرىنە پرەسس-تۋر ۇيىمداستىرىلدى. ەڭ الدىمەن جۋرناليستەردى قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بولاتبەكوۆ قۇرىلىسى جۇرگىزىلىپ جاتقان اۆتوماتتاندىرىلعان گاز تاراتۋ ستانساسىنىڭ قۇرىلىس بارىسىمەن تانىستىردى.

باسقارما باسشىسى شىمكەنت قالاسىن تابيعي گازبەن قامتاماسىز ەتۋ ماقساتىندا، 250 000 م3/ساع قۇرايتىن اۆتوماتتاندىرىلعان گاز تاراتۋ ستانساسىنىڭ قۇرىلىس جۇمىستارى 98 پايىزعا ورنىلدالعانىن اتاپ ءوتتى. ال، نىساننىڭ تەحنيكالىق قۇرال-جابدىقتارى 100 پايىز ورناتىلعان.

بۇگىنگى تاڭدا، اگرس-3 نىساننىڭ گاز قۇبىرىنا گيدراۆليكالىق سىعىمداۋ جۇمىستارى جۇرىزىلۋدە. اگرس-3 نىساننىڭ قۇرىلىس جۇمىستارى 2021 جىلدىڭ قازان ايىنىڭ سوڭىنا دەين ىسكە قوسۋ جوسپارعا قويىلعان.

گاز تاراتۋ ستانسياسى ىسكە قوسىلعان كەزدە، تۇرعىن ءۇي، الەۋمەتتىك، كاسىپكەرلىك جانە وندىرىستىك نىساندار ساپالى جانە ۇزدىكسىز تابيعي گازبەن قامتاماسىز ەتىلەدى. بۇگىندە 92،2% تابيعي گازبەن قامتىلعان قالا تۇرعىندارىنىڭ سانى 100 پايىزعا جەتەتىن بولادى.

شىمكەنت قالاسىنىڭ تابيعي گاز كوزدەرىنىڭ قۋاتتىلىعى اگرس-1، اگرس-4 «شىمكەنت» 180 000 م3/ساع قۇرايدى. ال بۇگىنگى تاڭداعى قالانىڭ قاجەتتىلىگى -250 000 م3/ساع قۇراپ وتىر. وسى قاجەتتىلىكتى قامتاماسىز ەتۋ ماقساتىندا اگرس-3 نىسانىن سالۋعا شەشىم قابىلدانعان بولاتىن.

ستراتەگيالىق ماڭىزى بار نىسان قۇرىلىسىن مەردىگەر مەكەمە «StroyGazCompany» ج ش س تاراپىنان جۇرگىزىلۋدە.