شىمكەنت قالاسىندا 2019 جىلى قۇرىلىسى باستالعان «1-م-1» قوسالقى ستانسياسىنىڭ قۇرىلىسى اياقتالىپ، بۇگىندە تەحنيكالىق سىناق جۇمىستارى جۇرگىزىلۋدە. ورناتىلعان ترانسفورماتورلاردى تەكسەرىستەن وتكىزۋ جۇمىستارىنىڭ بارىسىمەن پرەسس-تۋر كەزىندە ب ا ق وكىلدەرى تانىستى.

اتقارىلعان جۇمىستاردىڭ بارىسىمەن تانىستىرعان قالالىق ەنەرگەتيكا جانە ينفراقۇرىلىمدى دامىتۋ باسقارما باسشىسىنىڭ ورىنباسارى ا.اشايەۆ قوسالقى ستانسياسى سىناقتان ءوتىپ، ىسكە قوسىلعاندا قالانىڭ 5 بىردەي ەلدىمەكەنى ساپالى قۋات كوزىنە قوسىلاتىنىن ايتتى.

اتاپ ايتار بولساق، ولار اسار-2، سولتۇستىك ساياجاي، قايناربۇلاق، دوستىق، قايتپاس-2 شاعىناۋداندارىنداعى 60 مىڭعا جۋىق تۇرعىن قامتىلادى دەپ كوزدەلۋدە. قورەكتەندىرۋ جەلىسى 110 كۆ قۇرايتىن قوسالقى ستانسيا بوزارىق ستانسياسىنان قۋات الاتىن بولادى.

جوباننىڭ جالپى قۇنى - 4،6 ملرد تەڭگەنى قۇرايدى. قوسالقى ستانسيا زامان تالابىنا ساي، جابىق جاعدايدا سالىنعان. جەلىلەردىڭ ۇزىندىعى – 5،2 شاقىرىمدى قۇرايدى. نىساننىڭ قۇرىلىسىن مەردىگەر مەكەمە «ەلەكترومونتاج» اق جۇرگىزدى.

باسقارما باسشىسىنىڭ ورىنباسارى قالانىڭ شالعايداعى شاعىناۋداندارىن ساپالى ەلەكتر جارىعىمەن قامتاماسىز ەتۋ ماقساتىنداعى جۇمىستار جۇيەلى تۇردە جۇرگىزىلىپ كەلەتىنىن ايتىپ، ول جۇمىستار ۇنەمى قالا اكىمى مۇرات ايتەنوۆتىڭ باقىلاۋىندا ەكەنىن اتاپ ءوتتى.