اباي اۋدانى اۋماعىندا ورنالاسقان ىنتىماق-2 شاعىن اۋدانىنداعى سۋ قۇبىرىن تارتۋ جۇمىستارى تولىعىمەن اياقتالدى. بۇگىندە قۇبىرلاردى جۋىپ-شايۋ، دەزينفەكسيالاۋ جۇمىستارى اتقارىلىپ، اۋىز سۋ بەرۋگە دايىندىق جۇمىستارى اتقارىلۋدا. اتالعان جۇمىستاردىڭ بارىسىن بۇگىن قالالىق ەنەرگەتيكا جانە ينفراقۇرىلىمدى دامىتۋ باسقارماسى باسشىسىنىڭ ورىنباسارى ا.اشايەۆپەن بىرگە جۋرناليستەر ارنايى بارىپ كوردى.
شاعىناۋدان تۇرعىندارىن ساپالى اۋىز سۋمەن قامتاماسىز ەتۋ ماقساتىندا 2020 جىلى مەردىگەر مەكەمە «كومپانيا احمەت» جشس-گى تاراپىنان قۇرىلىس جۇمىستارى باستالعان بولاتىن.
سونىمەن قاتار، ب ا ق وكىلدەرىنە ساپالى ەلەكتر قۋاتىمەن قامتۋ جۇمىسى تانىستىرىلدى. وسى جىلدىڭ شىلدە ايىندا باستالعان قۇرىلىس جۇمىسىنىڭ بۇگىنگى كۇنگە دەيىن 3 مىڭعا جۋىق ەلەكتر باعانالارى ورناتىلىپ، قۇرىلىس جۇمىستارىنىڭ 80 پايىزى اياقتالدى.
قۇرىلىس جۇمىستارى مەردىگەر مەكەمە «ا. مەرەي ي ك» تاراپىنان قارقىندى جۇرۋدە. ياعني، ەلدىمەكەندى ساپالى ەلەكتر قۋاتىمەن قامتۋ ءۇشىن ءتورت بريگادادا 20-دان استام كوممۋنالدىق قىزمەتكەر جۇمىلدىرىلعان.
قۇرىلىس جۇمىسىن 2021 جىلدىڭ قاراشا ايىندا اياقتاۋ جوسپارلانىپ وتىر. سودان كەيىن، «وڭتۇستىكجارىقترانزيت» جشس-مەن ءار ۇيگە جەكە ەسەپ شوت اشىپ، ەلەكتر قۋاتىنا قوسۋ جۇمىستارى جۇرگىزىلەتىن بولادى. جوباعا سايكەس، شاعىن اۋداندا ورنالاسقان 2318 وتباسى ەلەكتر قۋاتىمەن قامتىلاتىن بولادى.
پىكىر قالدىرۋ