شىمكەنت قالاسىنىڭ ەڭبەكشى اۋدانى ەرىمبەتوۆ كوشەسىنىڭ بويىنداعى ماگيسترالدى جىلۋ جۇيەلەرىنىڭ قۇرىلىس جۇمىستارى قالا اكىمىنىڭ ەسكەرتۋىنەن كەيىن قارقىن الدى. قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بورانبايەۆ باستاعان ءبىر توپ جۋرناليست «سايرام» شاعىناۋدانىنداعى ادس-160 گكال قازاندىعىنان رك-1 اۋداندىق قازاندىققا دەيىنگى ماگيسترالدى جىلۋ قۇبىرىنىڭ قازىرگى جاعدايىمەن تانىستى.
سالالىق باسقارما باسشىسى بۇل نىسان اياقتالسا، ەڭبەكشى اۋدانىنداعى 340 كوپ قاباتتى تۇرعىن ءۇي ساپالى جىلۋمەن قامتىلاتىنىن جەتكىزدى.
مەردىگەر «كومپانيا نۋراي ستروي» جشس-گى قۇرىلىس جۇمىستارىن 2021 جىلدىڭ ءتورتىنشى توقسانىندا اياقتاۋدى جوسپارلاۋدا. نىساننىڭ جوبا قۇنى – 2 597،7 ملن تەڭگە. بۇگىندە قۇرىلىس جۇمىستارىنىڭ 70 پايىزى ورىندالعان.
ايتا كەتەيىك، ەڭبەكشى اۋدانىنداعى 530 كوپقاباتتى تۇرعىن ءۇي ورتالىقتاندىرىلعان جىلۋمەن قامتاماسىز ەتىلگەن. «قۋات جىلۋ ورتالىق-3» مكك-مەن بىرلەسە تۇرعىن ۇيلەردى قىسقا دايىنداۋ ءىس-شاراسى بەكىتىلدى. اۋداندا قىزمەت كورسەتەتىن 9 سەرۆيستىك كومپانيا تۇرعىن ءۇي ينجەنەرلىك جۇيەلەرىن 2020-2021 جىلعا قىسقى جىلۋ ماۋسىمىنا دايىنداۋ ماقساتىندا 300-دەن استام كەلىسىمشارت تۇزىلگەن.
پىكىر قالدىرۋ