شىمكەنت قالاسىنىڭ اكىمى م.ايتەنوۆتىڭ قالا اۋماعىنداعى ينفراقۇرىلىم جۇيەلەرىن دامىتۋ جونىندەگى تاپسىرماسىنا سايكەس، قاراتاۋ اۋدانىنىڭ اۋماعىندا اۋلالاردى اباتتاندىرۋ جۇمىستارى جۇرگىزىلۋدە.
قاراتاۋ اۋدانى اكىمىنىڭ ورىنباسارى ق.قالدىقارايەۆ قۇرىلىسى ءجۇرىپ جاتقان الاڭشالاردىڭ ەلەمەنتتەرىمەن تانىسىپ، جۇمىس ساپاسىن باقىلادى. سونداي-اق، جاۋاپتى مەردىگەر مەكەمەلەرگە جۇمىستى ساپالى ءارى ۋاقتىلى ورىنداپ، تۇرعىندار يگىلىگىنە ءوز مەرزىمىندە پايدالانۋعا بەرۋ قاجەتتىگىن ەسكەرتتى.
الاڭشالاردىڭ قۇرىلىس جۇمىستارى «نازار» ج ش س، «ازات ستروي سەرۆيس» ج ش س، «الەم ەنەرگو ستروي» ج ش س، «بارس» ج ش س مەكەمەلەرى تاراپىنان جۇرگىزىلۋدە.
قاراتاۋ اۋدانى اۋماعىندا جالپى 439 كوپقاباتتى تۇرعىن ءۇي 159 اۋلاعا بىرىكتىرىلگەن. بيىل 32 اۋلاعا قوسىمشا بالالار ويىن جانە سپورت الاڭشالارىن سالۋ جۇمىستارى جوسپارلانىپ، مەملەكەتتىك اكت الىندى.
سونىمەن قاتار، بوزارىق شاعىناۋدانى مەن قايناربۇلاق تۇرعىن الابىنا قاراتاۋ اۋدانى اكىمى اپپاراتى تاراپىنان مەملەكەتتىك اكت الىنىپ، وسى اتالعان جەرلەرگە دەمەۋشىلەر ەسەبىنەن اشىق سپورت الاڭشالارىن سالۋ جۇمىستارى جۇرگىزىلىپ، پايدالانۋعا بەرىلدى.
جالپى قاراتاۋ اۋدانى اۋماعىندا بۇگىنگى كۇنگە دەيىن 94 بالالار ويىن الاڭشاسى اباتتاندىرىلسا، الداعى ۋاقىتتا شامامەن 15-كە جۋىق اۋلانى اباتتاندىرۋ جۇمىستارىن جۇرگىزۋ قولعا الىناتىن بولادى.
