شىمكەنت قالاسى ءال-فارابي اۋداندىق سوتىنىڭ شەشىمىمەن «سامال-1» شاعىن اۋدانىنداعى رىسقۇلوۆ كوشەسى بويىندا زاڭسىز سالىنعان 8 قۇرىلىس نىسانىن ماجبۇرلەپ بۇزۋ ءىس-شارالارى باستالدى.
بۇل نىساندار جوسپارلاۋ قۇرىلىمىندا قۇرىلىس سالۋ شەكاراسىن ءبولىپ تۇراتىن قىزىل سىزىقتى ورەسكەل بۇزا وتىرىپ سالىنعان. ناتيجەسىندە، قۇرىلىستاردىڭ مەنشىك يەلەرى بەكىتىلگەن جوبالاۋ قۇجاتتارىنىڭ تالاپتارىمەن كورسەتىلگەن سىزىقتاردى ساقتاماي نىسان قۇرىلىستارىن جۇرگىزگەن. سالىنعان قۇرىلىستاردى پايدالانۋ تۋرالى رۇقسات قۇجاتتار راسىمدەلمەگەن.
ءتيىستى نورماتيۆتەردى باسشىلىققا الماي سالىنعان بۇل نىساندار، جالپىعا بىردەي پايدالانىلۋى ءتيىس اۋماقتاردىڭ جابىلۋىنا اكەپ سوعىپ، جول قوزعالىسىن ءتيىمدى ۇيىمداستىرۋعا كەدەرگى كەلتىرۋدە.
قالا قۇرىلىسىندا بەكىتىلگەن قاعيدالار قاتاڭ ساقتالۋى كەرەك. بۇل سالادا بەي-بەرەكەت قۇرىلىس جۇرگىزۋگە بولمايدى. جالپىعا بىردەي پايدالانىلاتىن اۋماقتاردا ينجەنەرلىك جەلىلەر، جول ينفراقۇرىلىمىنا قاجەتتى نىساندار ورنالاستىرىلىپ، قالا كوشەلەرىنىڭ قۇرىلىمى باس جوسپارعا سايكەس قالىپتاستىرىلادى.
ءتارتىپ پەن تالاپتى ۇستانساق قانا قالامىز زاماناۋي ورتالىققا اينالادى. قولايلى ورتا قالىپتاستىرۋدىڭ العاشقى قادامى – اينالاعا قولايسىزدىقتار تۋدىرماۋدان باستالادى. بۇل قاعيدات قالا تۇرعىندارىنىڭ ازاماتتىق ۇستانىمىنا اينالادى دەگەن سەنىمدەمىز.
