شىمكەنت قالاسىندا 18 قىركۇيەك World clean up day دۇنيەجۇزىلىك اكسياسىنا وراي جىل سايىنعى «بىرگە تازا قازاقستان!» ەكولوگيالىق جوباسى اياسىندا جالپىقالالىق سەنبىلىك ءوتتتى.

قالا اكىمىنىڭ باستاماسىمەن قولعا الىنعان تازالىق شاراسىنا مەملەكەتتىك قىزمەتشىلەر، كاسىپكەرلەر، ءتارتىپ ساقشىلارى، شاحار تۇرعىندارى مەن ەرىكتىلەر قاتىستى. ءاربىر مەكەمە وزدەرىنە جۇكتەلگەن اۋماقتاردى قوقىستان تازالادى. ول جۇمىستارعا 12 مىڭعا جۋىق تۇرعىن قاتىستى.

سەنبىلىككە 100-دەن اسا ارنايى تەحنيكا جۇمىلدىرىلدى. بارلىعى 165 تەكشە مەتر قوقىس قالا سىرتىنا شىعارىلدى. سونىمەن بىرگە يرريگاسيالىق ارىقتار تازالانىپ، دەمالىس ورىندارىندا سىرلاۋ جۇمىستارى جۇرگىزىلدى.

وسى كۇنى «جاسىل ەل» جانە «ستۋدەنتتىك قۇرىلىس» جاساقتارىنىڭ ماۋسىمدىق جوباسىنىڭ جابىلۋ سالتاناتى ءوتتى. وندا قالا اكىمىنىڭ ءبىرىنشى ورىنباسارى ش.مۇقان بەلسەندى جاستاردى ماراپاتتادى. بۇل جوباعا جالپى قالاداعى 1200-گە جۋىق جاستار قامتىلعان.

قالا كەلبەتى تەك ءساندى دە ساۋلەتتى ۇيلەرمەن، جاسىل جەلەكتى ساياباقتارمەن ولشەنبەيدى. كۇن سايىن كوركەيىپ كەلە جاتقان شىمكەنتتىڭ اجارى ونىڭ تازالىعىنا دا بايلانىستى. سوندىقتان ءاربىر قالا تۇرعىنى ۇلەس قوسۋى قاجەت.