شىمكەنت قالالىق سوتى، قالالىق جۇمىسپەن قامتۋ جانە الەۋمەتتىك قورعاۋ باسقارماسى مەن ق ر «رۋحاني قوعام الەمى» قوعامدىق قورى باسشىلارى ءوزارا ىنتىماقتاستىق تۋرالى مەموراندۋمعا قول قويدى.
مەموراندۋمعا قول قويۋ راسىمىنە شىمكەنت قالاسى بويىنشا سوتتار اكىمشىسى باسشىسىنىڭ م.ا. ق.يسلاموۆ، قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا جانە ق ر «رۋحاني قوعام الەمى» قوعامدىق قورىنىڭ پرەزيدەنتى ل.قويشييەۆا قاتىستى.
مەموراندۋمنىڭ ماقساتى – وتباسىلىق قاتىناستار مەن قۇندىلىقتاردى ساقتاۋعا جانە نىعايتۋعا باعىتتالعان جاعدايلار جاساۋعا، سونداي-اق شىمكەنت قالاسىنىڭ احات بولىمدەرىندە پسيحولوگيالىق كەڭەس بەرۋ ارقىلى اجىراسۋدىڭ الدىن الۋ، نەكەلىك جانە وتباسىلىق قاتىناستاردا مادەنيەتتى ساقتاۋدىڭ ماڭىزدىلىعىن تۇسىنۋگە باعىتتالعان.
تاراپتار ءوزارا ىنتىماقتاستىق باعىتتارى بويىنشا پىكىر الماسىپ، الداعى ۋاقىتتا قۇجات اياسىندا احات ورگاندارىندا «تاتۋلاسۋ بولمەلەرى» قۇرىلاتىنىن، وندا «قازاقستان ايەلدەرى رەسپۋبليكالىق كەڭەسى» ۇەۇ-نىڭ شىمكەنت قالاسىنداعى فيليالى اجىراسۋعا ءوتىنىش بەرگەن جۇبايلارمەن كەزدەسۋلەر وتكىزەتىنىن جوسپارلاپ وتىر.
پىكىر قالدىرۋ