شىمكەنت قالاسىنا ينۆەستيسيا تارتۋ جانە ينۆەستورلاردى قولداۋ ماقساتىندا «Shymkent» الەۋمەتتىك-كاسىپكەرلىك كورپوراسياسىنىڭ «Shymkent Invest» ينۆەستيسيالار تارتۋ دەپارتامەنتى قۇرىلدى. دەپارتامەنت ديرەكتورى بولىپ بولات ەتەكبايەۆ تاعايىندالدى. ول وسىعان دەيىن «Shymkent» اكك» اق-نىڭ ينۆەستيسيا دەپاراتامەنتى ديرەكتورىنىڭ ورىنباسارى قىزمەتىن اتقارىپ كەلگەن.

دەپارتامەنتتىڭ نەگىزگى قىزمەتى - قالا ەكونوميكاسىن جان-جاقتى تالداۋ؛ قالا تۇرعىندارى جانە قوناقتارىنا قاجەتتى ينۆەستيسيالىق جوبالاردى انىقتاۋ؛ سول جوبالارعا ينۆەستورلار تارتۋ؛ وزدىگىنشە (ءوز جەر تەلىمىندە) جۇزەگە اسىرىلىپ جاتقان ينۆەستيسيالىق جوبالاردى قولداۋ.
قازىرگى تاڭدا دەپارتامەنتپەن جالپى ينۆەستيسيا كولەمى 349 ملرد تەڭگە قۇرايتىن 25 ينۆەستيسيالىق جوبا بويىنشا مەموراندۋم ءتۇزىلدى. الدا تاعى 118 ملرد تەڭگە قۇرايتىن 4 ينۆەستيسيالىق جوبا بويىنشا مەموراندۋم ءتۇزۋ جوسپارلانۋدا. بۇل جوبالار اياسىندا 57 پروبلەمالىق ماسەلە قاراستىلدى، ونىڭ 60 پايىزى وڭ شەشىم تاپقان. 

ماسەلەلەردىڭ باسىم بولىگى ينۆەستيسيالىق جوبانى قالانىڭ باس جوسپارىنا سايكەستەندىرۋ، قوسىمشا جەر تەلىمدەرىن ءبولۋ جانە ينجەنەرلىك-كوممۋنيكاسيالىق ينفراقۇرىلىمعا قوسىلۋ ءۇشىن تەحنيكالىق شارتتار الۋعا قاتىستى بولعان.