عابيدوللا ءابدىراحىموۆ مادەنيەت جانە سپورت ۆيسە-مينيسترى قىزمەتىنەن بوساتىلدى، دەپ حابارلادى پرەمەر-مينيستردىڭ رەسمي سايتى.
"ق ر ۇكىمەتىنىڭ قاۋلىسىمەن ءابدىراحىموۆ عابيدوللا راحماتوللا ۇلى باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ مادەنيەت جانە سپورت ۆيسە-مينيسترى قىزمەتىنەن بوساتىلدى" دەپ جازىلعان حابارلامادا.
عابيدوللا ءابدىراحىموۆ 1975 جىلى وڭتۇستىك قازاقستان وبلىسىندا دۇنيەگە كەلگەن. 1996 جىلى قازاق مەملەكەتتىك اگرارلىق ۋنيۆەرسيتەتىن، 1999 جىلى «بولاشاق» باعدارلاماسىمەن نەمىس مەملەكەتتىك باسقارۋ جوعارى مەكتەبىن ءتامامداعان.
ەڭبەك جولىن 1996 جىلى قازاق مەملەكەتتىك اگرارلىق ۋنيۆەرسيتەتىندە تالىمگەر-وقىتۋشى رەتىندە باستاعان.
1999-2008 جىلدارى ق ر مەملەكەتتىك قىزمەت ىستەرى اگەنتتىگىنىڭ قۇرىلىمىندا ءتۇرلى لاۋازىمدى قىزمەت اتقاردى.
2008-2012 جىلدارى — پرەمەر-مينيستر كەڭسەسىنىڭ باسشىسى.
2012-2013 جىلدارى — باسەكەلەستىكتى قورعاۋ اگەنتتىگىنىڭ ءتوراعاسى.
2013-2015 جىلدارى — پرەزيدەنت اكىمشىلىگى باسشىسىنىڭ ورىنباسارى.
2015-2017 جىلدارى — شىمكەنت قالاسىنىڭ اكىمى.
2017-2018 جىلدارى — «نۇر-وتان» پارتياسىنىڭ حاتشىسى.
2018-2019 جىلدارى — شىمكەنت قالاسىنىڭ اكىمى.
2021 جىلدىڭ قاڭتار ايىنان قازىرگى ۋاقىتقا دەيىن مادەنيەت جانە سپورت ۆيسە-مينيسترى قىزمەتىن اتقاردى.
پىكىر قالدىرۋ