قىزىلوردا وبلىسى قازالى اۋدانى تاسارىق كەنتىندەگى ورتا مەكتەپ اۋماعىندا قازاندىق جارىلدى، دەپ حابارلادى ءوڭىردىڭ توتەنشە جاعدايلار دەپارتامەنتىنىڭ باسپا ءسوز قىزمەتى.

– بۇگىن ساعات 8-دەن 15 مينۋت وتكەندە قىزىلوردا وبلىسى توتەنشە جاعدايلار دەپارتامەنتىنىڭ داعدارىس جاعدايىنداعى باسقارۋ باسقارماسىنا قازالى اۋدانى، تاسارىق كەنتى، №238 ورتا مەكتەپ اۋماعىنداعى جەكە تۇرعان (مەكتەپتەن قاشىقتىعى 50 م) قاتتى وتىنمەن جىلىتۋ قازاندىعىنىڭ تۇتانۋسىز جارىلۋى ورىن الىپ، 64 شارشى مەتر الاڭدا عيماراتتىڭ قابىرعالارى مەن جابىنىنىڭ ءىشىنارا قيرالعانى تۋرالى اقپارات كەلىپ ءتۇستى. وقيعا سالدارىنان قازا بولعاندار مەن زارداپ شەككەندەر جوق، – دەدى قىزىلوردا وبلىسى تجد باستىعىنىڭ ورىنباسارى پولكوۆنيك سايد مولداقارايەۆ.

قازاندىق ۇيىندىلەرىن جيناۋ مەكتەپ جۇمىسشىلارىنىڭ كۇشىمەن (15 ادام جانە 2 بىرلىك تەحنيكا) جۇرگىزىلۋدە. وقيعا ورنىنا وبلىستىق تجد (2 قىزمەتكەر جانە 1 بىرلىك تەحنيكا) جەتتى.