شىمكەنت قالاسىنىڭ ەكونوميكالىق سوتىندا «مەدياسيا – داۋدى رەتتەۋدىڭ بالامالى جولى» اتتى دوڭگەلەك ۇستەل ءوتتى. كەزدەسۋدە تاتۋلاستىرۋشى-سۋديا ب.سەگىزوۆا، «اۆتورلار اندەرىنىڭ وداعى» رەسپۋبليكالىق قوعامدىق بىرلەستىگىنىڭ باس ديرەكتورى نۋربەك ەنجانوۆ پەن ورىنباسارى داۋلەت ماحسۋدوۆ، «Adilet Group» زاڭ كونسۋلتانتتار پالاتاسى اپپاراتىنىڭ باسشىسى، كاسىبي مەدياتور دينارا بايسەرىكوۆا، شىمكەنت قالاسىنىڭ ادۆوكاتتار القاسىنىڭ ادۆوكاتى الما احاتوۆا قاتىستى.

تاتۋلاسۋ راسىمدەرىن دامىتۋدىڭ جانە داۋدى سوتقا دەيىنگى رەتتەۋ وزەكتى ماسەلەلەرى تالقىلاندى.

ب.سەگىزوۆا ءوز سوزىندە مەدياسيانى تالاپ ارىز سوتقا كۇننەن باستاپ 10 كۇننىڭ ىشىندە تاتۋلاستىرۋشى-سۋديا جۇرگىزەتىتىن ايتتى. سوتقا «اۆتورلار اندەرىنىڭ وداعى» رقب-نەن بىرتەكتى تالاپتارمەن ارىزدار تۇسۋدە. وسىعان بايلانىستى، مەدياسيانىڭ ارتىقشىلىعىن ەسكەرە وتىرىپ، بىرلەستىكتىڭ وكىلدەرىنە داۋلاردى بالامالى جانە ءتيىمدى بەيبىت جولمەن جولمەن رەتتەۋ ماسەلەسىن قاراستىرۋ ۇسىنىلدى.

ۇسىنىستى قولداي وتىرىپ، نۋربەك ەنجانوۆ تالاپ-ارىزداردىڭ 80%-عا جۋىعى مەدياسيا تارتىبىمەن رەتتەلەتىنىن اتاپ ءوتتى. سونىمەن قاتار، بىرلەستىك وكىلدەرى مەدياسيانىڭ ودان ءارى دامۋى ماسەلەسىن قاراستىرۋعا دايىن ەكەندىگىن العا تارتتى.

كەزدەسۋ بارىسىندا مەدياتيۆتىك كەلىسىمدى بەكىتۋ ماقساتىندا ۇيىمداستىرىلعان تاراپتار اراسىنداعى كەلىسسوزدەرگە كاسىبي مەدياتورداردىڭ قاتىسۋىن قاراستىرۋ تۋرالى ۇسىنىس ايتىلدى.

دينارا بايسەريكوۆا تاتۋلاستىرۋشى-سۋديالارعا ارناپ فريدريح ەبەرت اتىنداعى قورىنا نەگىزىندە ترەنينگ-سەمينار وتكىزۋ ماسەلەسىن قاراستىرۋدى ۇسىندى. بۇل شارا تاتۋلاستىرۋشى-سۋديالاردىڭ كەلىسسوزدەر جۇرگىزۋ داعدىلارىن ۇيرەنىپ، سوت داۋلارىن ناتيجەلى رەتتەۋگە وڭ سەپتىگىن تيگىزەدى.

دوڭگەلەك ۇستەلدىڭ قاتىسۋشىلارى وي-پىكىرمەن الماسىپ، بارلىق تۋىنداعان سۇراقتار بويىنشا تولىققاندى جاۋاپ بەرىلىپ، كۇن تارتىبىندەگى يدەيالار مەن ۇسىنىمدار كەلەشەكتە سوت جۇيەسىنىڭ دامۋىنا دۇرىس ۇلەس قوسادى دەپ كۇتەدى.