شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان ورتالىق كوممۋنيكاسيالار قىزمەتىندە وتكەن بريفينگىدە قالا تۇرعىندارى اراسىندا كوروناۆيرۋس پنيەۆمونياسىمەن اۋىرعانداردىڭ نەگە كوپ ەكەنىن ءتۇسىندىردى.
كۆي+» پەن «كۆي-»ء-تى ستاسيونارعا بارعان بويدا پتر-تەست ارقىلى انىقتايدى. ونىڭ ۇستىنە كومپيۋتەرلىك توموگرافيادان وتەدى. وكىنىشكە قاراي، كوروناۆيرۋس ينفەكسياسى جۇققان بويدا ەمدى باستاپ كەتپەسە، ونىڭ ءارى قاراي پنيەۆمونياعا اينالۋ ءقاۋپى وتە جوعارى.
سوندىقتان شىمكەنت قالاسىندا وزدىگىنەن ەمدەلگەن ادامدار بولدى. سول ۋاقىتتا جىلدام شەشىم قابىلداپ، ءدارىحانالاردىڭ جانىنداعى جەكە مەنشىك ءتۇرلى ەكپە قابىلداۋ ورىندارىنىڭ جۇمىسىن رەتتەدىك. ناۋقاستاردىڭ بارىنەن ۆيرۋس بەلگىلەرىن بايقاعان بويدا حابارلاسۋدى وتىندىك. سوندىقتان، وسىنداي جاعداي ورىن الدى دەپ ويلايمىن»، - دەگەن اكىمدىك وكىلى تۇرعىنداردىڭ جەكە پراكتيكاداعى دارىگەرلەردىڭ كومەگىنە كوپ جۇگىنۋى جاعدايدى ۋشىقتىرعانىن اتادى.
«تۇرعىنداردىڭ وزدەرى ەمحاناعا بارماي، وزدىگىنەن ەمدەلۋ سالدارىنان سىرقاتى كوروناۆيۋرس پنيەۆمونياسىنا اينالىپ كەتكەن جاعدايلار بولدى. وكىنىشكە قاراي، بىزدە اۋىر جاعدايمەن تۇسكەن ناۋقاستاردىڭ كوبى ون بەسىنشى، ون التىنشى، ءتىپتى جيىرماسىنشى كۇنى ءبىراق مەديسينا كومەگىنە جۇگىنەدى. ولار وسىنداي جەكە پراكتيكاداعى دارىگەرلەردەن دارى-دارمەك الىپ، ءبىر ەمەس، ەكى كۋرس ەم قابىلداعان. ونىڭ ىشىندە اۋىر-اۋىر انتيبيوتيكتەر بار. سونىمەن ەمدەلىپ، تۇك بولماعان سوڭ جەدەل جاردەمگە حابارلاسىپ، اۋىر كۇيدە ءتۇسىپ جاتقان ناۋقاستار بولدى. سوندىقتان بۇل جاعداي قايتالانباس ءۇشىن الداعى ۋاقىتتا دەنساۋلىق ساقتاۋ سالاسىندا مەديسينالىق اعارتۋ جۇمىستارىن كۇشەيتۋىمىز كەرەك»، - دەدى قالا اكىمىنىڭ ءبىرىنشى ورىنباسارى.
پىكىر قالدىرۋ