2021 جىلدىڭ 28ء-شى قىركۇيەك كۇنى قازاقتىڭ زاڭعار جازۋشىسى، قوعام قايراتكەرى، عۇلاما عالىم، ستاليندىك، لەنيندىك سىيلىقتاردىڭ لاۋرەاتى، ابايدى الەمگە تانىتقان، فيلولوگيا عىلىمدارىنىڭ دوكتورى، پروفەسسور مۇحتار ومارحان ۇلى اۋەزوۆتىڭ تۋعانىنا 124 جىل تولۋىنا وراي قارىمدى قالامگەردىڭ ەسىمىن يەلەنگەن م.اۋەزوۆ اتىنداعى وڭتۇستىك قازاقستان ۋنيۆەرسيتەتىندە جازۋشىنىڭ ەسكەرتكىشىنە گۇل شوعى قويىلدى.

2021 جىلدىڭ 28ء-شى قىركۇيەك كۇنى مۇحتار ومارحان ۇلى اۋەزوۆتىڭ تۋعانىنا 124 جىل تولۋىنا وراي الماتى قالاسىنداعى م.اۋەزوۆ اتىنداعى ادەبيەت جانە ونەر ينستيتۋتىنىڭ ۇيىمداستىرۋىمەن «اۋەزوۆ وقۋلارى» اتتى جاس عالىمداردىڭ حVءىىى عىلىمي-تاجىريبەلىك كونفەرەنسياسى ءوتتى. كونفەرەنسيانى مادەنيەتتانۋشى، زاڭعار جازۋشىنىڭ ۇلى مۇرات مۇحتار ۇلى اۋەزوۆ اشىپ بەردى.

العاشقى قۇتتىقتاۋ ءسوزدى شىمكەنت قالاسىنداعى ۇلى جازۋشىنىڭ ەسىمىن يەلەنگەن م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ باسقارما توراعاسى-رەكتور داريا پەرنەش قىزى قوجامجاروۆا ارنايى ءسوز الىپ ۋنيۆەرسيتەتتە، ابايتانۋ مەن مۇحتارتانۋعا قاتىستى اشىلىپ جاتقان تىڭ عىلىمي جاڭالىقتارىمەن ءبولىستى.

سونىمەن قاتار داريا پەرنەش قىزى شىمكەنت قالاسىنداعى «حيمفارم» اق ارنايى بولىمىنەن تابىلعان اباي ۇرپاقتارىنا قاتىستى مەموريالدى تاقتانىڭ ءمانى مەن مازمۇنىنا توقتالدى. «ۋنيۆەرسيتەتىمىزدەگى «مۇحتارتانۋ» عىلىمي ورتالىعى بۇگىندە تابىستى عىلىمي ىزدەنىستەر جاساۋدا. ال ەندى مۇحتارتانۋ مەن ابايتانۋدا ىستىعى باسىلماعان تىڭ جاڭالىقتاردىڭ بىرەگەيىنە ويىسار بولساق، بۇل تىكەلەي حاكىم ۇرپاقتارىنا قاتىستى.

سونىمەن قاتار كەلەر جىلى مۇحتار ومارحان ۇلىنىڭ 125 جىلدىق مەرەيتويىنا وراي ۋنيۆەرسيتەت عالىمدارى ۇزاق جىلدار بويى اينالىسىپ كەلە جاتقان ەرەكشە عىلىمي جاڭالىقپەن بولىسەتىندىگىن اتاپ ءوتتى. اتالمىش كونفەرەنسيانى م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ءسىلامجان ۇلى ماتىجانوۆ جۇرگىزىپ وتىردى.

قازاقتىڭ زاڭعار جازۋشىسى، قوعام قايراتكەرى، عۇلاما عالىم، فيلولوگيا عىلىمدارىنىڭ دوكتورى، پروفەسسور مۇحتار ومارحان ۇلى اۋەزوۆتىڭ تۋعانىنا 124 جىل تولۋىنا وراي م.اۋەزوۆ اتىنداعى وڭتۇستىك قازاقستان ۋنيۆەرسيتەتىندە «مۇحتارتانۋ» عىلىمي-ورتالىعىنىڭ ۇيىمداستىرۋمەن «م.اۋەزوۆ مۇراسى جانە بۇگىنگى رۋحانيات الەمى» اتتى حالىقارالىق عىلىمي كونفەرەنسيامەن جالعاسىن تاپتى.كونفەرەنسيادا العاش بولىپ قۇتتىقتاۋ ءسوز العان م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ باسقارما توراعاسى-رەكتور داريا پەرنەش قىزى ابايتانۋ مەن مۇحتارتانۋدىڭ بەيمالىم بەتتەرىن جان-جاقتى سارالاي كەلە «ۇلى ابايدىڭ ەڭبەكتەرىن ءبىزدىڭ ورتالىق قىزمەتكەرلەرى قايتادان تەكستولوگيالىق قاراپ، ونىڭ «كيتاب تاسديق» ەڭبەگىن تۇڭعىش رەت شاعاتاي تىلىندە ترانسكريپسيالاپ شىقتى.