2021 جىلى 6 قىركۇيەكتە م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ «رۋحاني جاڭعىرۋ جانە قازاقستان حالقى اسسامبلەياسى» ورتالىعى قازاقتىڭ ادەبيەت زەرتتەۋشى عالىمى، تۇركىتانۋشى، پۋبليسيست، پەداگوگ، اۋدارماشى، قوعام قايراتكەرى احمەت بايتۇرسىن ۇلىنىڭ تۋعان كۇنىمەن قاتار وتكىزىلەتىن قازاقستان حالقى تىلدەرى كۇنىنە وراي «ءتىل - تاتۋلىق تىرەگى» تاقىرىبىندا ونلاين دوڭگەلەك ۇستەل وتكىزدى.

دوڭگەلەك ۇستەلدى شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسى باسشىسىنىڭ ورىنباسارى ساكەن ابجاپپار ساكەن ۇلى اشىپ، ساتتىلىك تىلەپ، شىمكەنت قالاسىنىڭ تۇرعىندارى اراسىندا ءتىلدىڭ دامۋ قارقىنىمەن دامىتۋ جوسپارلارىمەن تانىستىردى. كەلەشەكتە شىمكەنت اكىمدىگىمەن بىرلەسە وتكىزىلەتىن تاۋەلسىزدىكتىڭ 30 جىلدىق مەرەيتويىنىڭ قارساڭىندا «ءتىل تاۋەلسىزدىك تىرەگى» اتتى رەسپۋبليكالىق كونفەرەنسياعا بىرەگەي قاتىسۋعا شاقىردى.

سونىمەن قاتار، شىمكەنت قالاسىنىڭ ىشىكى ساياسات جانە جاستار ىستەرى جونىندەگى باسقارماسى «قوعامدىق كەلىسىم» كمم «قوعامدىق كوپشىلىك ءىس-شارالاردى ۇيىمداستىرۋ» ءبولىمىنىڭ باسشىسى يسايەۆا ازيزا وماربەك قىزى قاتىسىپ، ەتنومادەني بىرلەستىكتەرمەن بىرگە وزگە ەتنوستار اراسىندا تىلدەردى دامىتۋعا بايلانىستى كوپتەگەن بايقاۋلار وتكىزىپ، ونىڭ ىشىندە 3 قىركۇيەك كۇنى «تاۋەلسىزدىك - باستى قۇندىلىعىمىز!» اتتى رەسپۋبليكالىق ديكتانتىن وتكىزگەنى تۋرالى ەسەبىن ايتتى.

شىمكەنت قالاسى بويىنشا «رۋحاني جاڭعىرۋ» قالالىق ءبولىمىنىڭ مەڭگەرۋشىسى ورالبايەۆا زاۋرە ابدۋحاميت قىزى قاتىسىپ، بۇگىنگى جاس ۇرپاق – مەملەكەتتىڭ بولاشاعى، ەرتەڭگى كۇننىڭ ازاماتى، ال ونىڭ باقىتقا جەتەر داڭعىل جولى - تۋعان وتانىن، تۋعان ءتىلىن سۇيۋدەن باستالادى دەپ، ەلىمىزدىڭ ءاربىر ازاماتى ءوزىنىڭ انا ءتىلىن قادىرلەپ، قاستەرلەۋى، ءوز انا تىلىندە سويلەۋى قاجەت دەپ ءوز سوزىندە ناقتىلادى.

دوڭگەلەك ۇستەل بارىسىندا مودەراتور «رۋحاني جاڭعىرۋ جانە قازاقستان حالقى اسسامبلەياسى» ورتالىعىنىڭ باسشىسى – تاريح عىلىمدارىنىڭ كانديداتى، دوسەنت، ولكەتانۋشى جانىسبەكوۆا گۇلنار ءامىرباي قىزى ۋنيۆەرسيتەتىمىزدىڭ مەكەن جايى دا شىمكەنت قالاسىنىڭ احمەت بايتۇرسىنوۆ كوشەسىنىڭ قيىلىسىندا ورنالاسقانىن كوپشىلىك قاۋىمعا ايتا كەلە، ەرەكشە ماعلۇمات بەرىپ، دوڭگەلەك ۇستەلدى ءتامامدى.