IKomek 109 ورتالىعى قالا تۇرعىندارىنىڭ جوعالعان زاتتارىن تابۋعا جاردەم بەرەدى. بۇل ورتالىق مەملەكەت باسشىسىنىڭ حالىقپەن كەرى بايلانىس ورناتۋدى كۇشەيتۋ تۋرالى تاپسىرماسىنا سايكەس قالا اكىمىنىڭ باستاماسىمەن وسىدان 1 جىل بۇرىن اشىلعان ەدى. قازىرگى تاڭدا مەكەمەدە 50-گە جۋىق قىزمەتكەر جۇمىس ىستەيدى.

IKomek 109 ورتالىعى جوعالعان زاتتاردى تابۋعا كومەكتەسەدى. بۇل ورتالىق قالا اكىمى مۇرات ايتەنوۆتىڭ باستاماسىمەن وسىدان 1 جىل بۇرىن اشىلعان بولاتىن. مەكەمەدە 50 قىزمەتكەر حالىققا قىزمەت كورسەتىپ جاتىر.

IKomek بۇگىندە قالا تۇرعىندارىنىڭ قوعامدىق كولىكتەردە، ادامدار كوپ شوعىرلانعان جەرلەردە جوعالعان زاتتارىن تابۋعا كومەكتنسەدى. سەبەبى، سوڭعى ۋاقىتتا مۇندا تۇرعىندار تاراپىنان قولىنداعى مۇلكىنەن كوز جازىپ، ىزدەپ حابارلاسۋشىلار كوبەيگەن.

ورتالىق تەك ادامداردىڭ كوز جازىپ قالعان دۇنيەلەرىن ەمەس، ۇيىنە ورالماي كەشىگىپ جاتقاندار ءجاسوسپىرىم وقۋشىلاردى دا تاۋىپ بەرەدى ەكەن. جولاۋشىلار كولىگى جانە اۆتوموبيل جولدارى باسقارماسىنا قوڭىراۋ سوعۋ ارقىلى بارلىق قوعامدىق كولىكتەرگە دابىل قاعادى. ال سالا ماماندارى تۇرعىندار اراسىندا ەڭ كوپ جوعالاتىنى سومكە مەن ءاميان دەيدى.

قازىرگى كۇنگە دەيىن 600-دەن استام جوعالعان زاتتار تابىلعان. ونىڭ ىشىندە 250-گە جۋىعى سومكەلەر، ءامياندار. 150-گە جۋىق قۇجاتتارى بار فايلدار، پاپكالار مەن 72 تولەم كارتالارى تابىلعان.

الايدا وسى ءبىر مۇمكىندىكتى پايدالانىپ، الاياقتىققا باراتىندار دا جوق ەمەس. بوتەن ادامنىڭ مۇلكىن ءوز مەنشىگىم دەپ، ايلاسىن اسىرماقشى بولعاندار وقتا-تەكتە كەزدەسەتىن كورىنەدى. دەگەنمەن ورتالىققا حابارلاسىپ، العىستارىن ايتاتىن تۇرعىندار دا بارشىلىق.

سالا ماماندارى جاقىندا «امانات» دەپ اتالاتىن قوسىمشا ىسكە قوسىلاتىنىن ايتادى. بۇل باعدارلاما مۇلكىن جوعالتىپ العان جانە زاتتاردى تاۋىپ العان ادامداردى بايلانىستىراتىن كوپىرگە اينالماق.