شىمكەنت قالاسىنىڭ 55 جاستاعى تۇرعىنى عالىمجان سىزدىقبەك كوروناۆيرۋستىڭ اۋىر ءتۇرىن جەڭىپ شىقتى. ەكى وكپەسى قابىنعان ازامات 7ء-شى قىركۇيەك كۇنى اسار شاعىناۋدانىنداعى جۇقپالى اۋرۋلار ورتالىعىنا جەدەل جاردەم كولىگىمەن اۋىر حالدە جەتكىزىلگەن. دارىگەرلەر ەر كىسىنىڭ جاعدايىنىڭ اۋىر بولۋىنا بايلانىستى ونى جانساقتاۋ بولىمىنە جاتقىزعان.

مەديسينا ماماندارى ناۋقاسقا وكپەنىڭ كومپيۋتەرلىك توموگرافياسىن جاساپ، قوس وكپەسى قابىنعانىن انىقتاعان. بۇعان قوسا كوروناۆيرۋس ينفەكسياسى وڭ ناتيجە كورسەتكەن. كومپيۋتەرلىك توموگرافيا ناتيجەسىندە وكپەسىنىڭ 90-پايىزى زاقىمدالعانى انىقتالىپ، ساتۋراسياسى 80-گە دەيىن تومەن بولعان. جانساقتاۋ بولىمىندە ناۋقاس وزدىگىمەن دەم الا الماي، اپپاراتقا قوسىلعان.

– تۇسكەن كەزدە جاعدايى وتە اۋىر بولدى. ساتۋراسياسى 80-گە دەيىن ءتۇسىپ كەتكەن. كت-دا 90-پايىز وكپەسى زاقىمدالعانىن كوردىك. جانساقتاۋ بولىمىندە انتيكوگۋليانتتى، ۆيرۋسقا قارسى، انتيباكتەريالدى ەم الدى. سونىمەن قوسا نيۆل اپپاراتىنا قوسىلدى. ديناميكالىق ەمنىڭ ارقاسىندا قايتا كت-ناتيجەسىندە وكپە قابىنۋى 40-پايىزعا دەيىن تومەندەدى. ءقازىر جاعدايى جاقسى، پالاتاعا اۋىستىردىق، – دەيدى ينفەكسيونيست-دارىگەر بەكزات بەگاسىل ۇلى.

كوروناۆيرۋستىڭ اۋىر ءتۇرىن جەڭىپ شىققان ازاماتتىڭ ءقازىر دەنساۋلىعى جاقسى. جاعدايى جاقسارعان ازاماتتى دارىگەرلەر ۇيىنە