«Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى 2021-2025 جىلدارعا ارنالعان شىمكەنت قالاسى بويىنشا سايلاۋالدى باعدارلاماسىنىڭ ورىندالۋى بويىنشا جول كارتاسى ازىرلەنگەنى بەلگىلى. سوعان سايكەس اتقارىلعان جۇمىستارعا توقتالساق، شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنا قاراستى ءالسىز توپتاعى جاندار ءۇشىن قىزمەت تۇرلەرىن 1 تەرەزە ارقىلى كورسەتۋگە ارنالعان «Ten qogam» سەكتورى اشىلدى.

ورتالىقتىڭ مىندەتتەرىنە الەۋمەتتىك قىزمەتتەر پورتالى ارقىلى كورسەتىلەتىن قىزمەت تۇرلەرىنە كومەك بەرۋ، مۇگەدەكتىگى بار قىزمەتكەرلەردى جۇمىسقا قابىلداۋ بويىنشا كەڭەستەر بەرۋ، جەكەلەي سۇيەمەلدەۋ جانە ت.ب. قىزمەتتەر كىرەدى.

«Ten qogam» سەكتورىنىڭ ماقساتى – ۇلتتىق جوسپاردىڭ باعىتتارى بويىنشا جاۋاپتى مەملەكەتتىك ورگاندار جۇمىستارىن جالعاستىرۋ. مىسالى، مۇگەدەكتىكتىڭ الدىن الۋعا باعىتتالعان شارالاردا، دەنساۋلىق ساقتاۋ سالاسىندا مەديسينالىق قىزمەتتىك ساپاسى مەن قولجەتىمدىلىگىنە بايلانىستى شارالاردى قۇزىرلى ورگاندارمەن بىرگە جۇرگىزۋ.

قوعامدىق تاسىمالداۋ جانە اۆتوموبيل جولدارىنا قاتىستى جولداردا بولاتىن اپاتتىق جاعدايلاردىڭ الدىن-الۋ ماقساتىندا جول ءجۇرۋ ەرەجەلەرىنە سايكەس بەلگىلەردى ورناتۋ. قازاقستان مۇسىلماندارىنىڭ ءدىني باسقارماسىنىڭ وكىلدەرىمەن بىرگە وز-وزىنە قول جۇمساۋ ارقىلى، دەنساۋلىققا زياندى اسەر ەتەتىن زاتتاردى (الكوگول، ناركوتيك ت.ب.) قابىلداۋ ارقىلى مۇگەدەكتىككە اكەلەتىن ەسكەرتۋ.

ينكليۋزيۆتى ءبىلىم بەرۋ: دەنە بىتىمىنە، پسيحيكالىق، ينتەلەكتۋالدىق، مادەني، ەتنيكالىق، تىلدىك جانە وزگە ەرەكشەلىكتەرىنە قاراماستان ءبىلىم الۋىنداعى كەدەرگىلەردى جويۋ، الەۋمەتتىك ورتاعا بەيىمدەلۋىن جانە ىقپالداسۋىن قامتاماسىز ەتۋ.