«Nur Otan» پارتياسىنىڭ «كەدەرگىسىز كەلەشەك» پارتيالىق جوباسى اياسىندا «راحمەت ساعان، اناشىم!» مۇمكىندىگى شەكتەۋلى بالالاردىڭ انالارىنىڭ قوعامدىق بىرلەستىگىنە «يماندىلىق – جۇرەككە ۇيالاسا» كەزدەسۋ كەشى ءوتتى.

ءىس-شاراعا «Nur Otan» پارتياسى شىمكەنت قالالىق فيليالىنىڭ «وتباسى، ايەلدەر جانە بالالاردىڭ قۇقىقتارىن قورعاۋ» ماسەلەلەرى جونىندەگى قوعامدىق كەڭەستىڭ ءتورايىمى گۇلايىم اسكەر قىزى، «شىمكەنت قالاسىنىڭ ازاماتتىق اليانسىنىڭ» ءتوراعاسى، شىمكەنت قالالىق ءماسليحات دەپۋتاتى جۇماعالي بىلىسبەكوۆ، ءانشى زاتتىبەك كوپبولسىن ۇلى، ب ا ق وكىلدەرى قاتىستى.

2017 جىلدان بەرى اتالعان بىرلەستىك جۇمىس جاساۋدا. قازىرگى كۇندە عيماراتقا قالالىق اكىمدىكتىڭ، دەمەۋشىلەر مەن قامقور جانداردىڭ قولداۋىمەن جوندەۋ جۇمىستارى جۇرگىزىلدى.

كۇنى بويى وڭالۋعا جاعداي جاسالعان ورتالىق بۇگىندە جاسى 18-دەن اسقان 12 ادامعا لايىقتالعان. بالدارعا ارناپ، ترەناجەر قۇرالدارى، دەمالاتىن بولمەلەرى زاماناۋي تۇردە جاسالعان.

مۇنداي جاندار ورتالىققا جۇمىسپەن قامتۋ جانە الەۋمەتتىك باعدارلامالار باسقارماسىنىڭ جولداماسىمەن كەلەدى. مۇمكىندىگى شەكتەۋلى جانداردى اتا-انالارى ورتالىققا تاڭەرتەڭ الىپ كەلىپ، كەشكە الىپ قايتادى.