ەل پرەزيدەنتى قاسىم-جومارت توقايەۆ بيىلعى جولداۋىندا قورعاۋشىلاردىڭ قىزمەتىنە ەرەكشە توقتالدى. سالاعا جاۋاپتىلار ادۆوكاتتار قاۋىپسىزدىگى تاقىرىبى ەلىمىزدىڭ باستى قۇجاتىندا تەگىننەن-تەگىن كوتەرىلگەن جوق دەپ وتىر. ايتۋلارىنشا، زاڭ سالاسى ماماندارىنىڭ قىزمەتىنە پرەزيدەنت دەر كەزىندە پارمەن بەرۋدە.
سالا ماماندارىنىڭ ايتۋىنشا، سوڭعى كەزدەرى ادۆوكاتتىق قىزمەتتەرگە سۇرانىس ارتىپ وتىر. ءۇشىنشى مەگاپوليس حالقى قورعاۋشىلارعا كوبىنەسە جەر، مۇلىك داۋلارى كەزىندە جۇگىنەدى ەكەن. پاندەميا كەزىندە كوپتەگەنتۇرعىندار قارجىدان قينالىپ بانكتەردەن العان نەسيەلەرىن وتەي الماي ءجۇر. بۇل جاعداي دا ادۆوكاتتاردىڭ جۇكتەمەسىن ارتتىرۋدا.
زاڭگەرلەر كوبىنەسە كورسەتىلگەن قىزمەتتەرى ءۇشىن اقىلارىن الا الماي تاباننان توزاتىن كەزدەر دە ءجيى كەزدەسەدى. ازاماتتار كەلىسىم شارتتاردا كورسەتىلگەن تولەمدەردىتولەۋگە كەلگەندە جالتارىپ جاتادى. سوندىقتان دا زاڭگەرلەر قۇقى اياقاستى بولماۋ كەرەك دەيدى. ايتا كەتەيىك بۇگىندە قالادا 400-دەن استام ادۆوكات جۇمىس ىستەيدى. جىل باسىنان بەرى ماماندار 4 جارىم مىڭ ىسكە قاتىسقان.
