شىمكەنت قالالىق ءماسليحات دەپۋتاتتارى، «Nur Otan» پارتياسى فراكسياسىنىڭ مۇشەلەرى دانابەك يسابەكوۆ، قايرات سۇلەيمەنوۆ پەن ايگەرىم دجۇماقۇلوۆا بەكىتىلگەن جوسپارعا سايكەس ءال-فارابي اۋدانىندا اتقارىلىپ جاتقان جۇمىستاردىڭ ساپاسىن تەكسەرىپ، مەردىگەرلەرمەن كەزدەسىپ، تۇرعىنداردىڭ ۇسىنىستارىن تىڭدادى.

سوعىلىپ جاتقان قۇرىلىس نىساندارىن اۋدان اكىمى راشيد مىڭبايەۆ كورسەتتى.وتىرار شاعىن اۋدانىنىڭ 38، 40، 13/1 جانە 13/1 ا اۋلالارىندا سوعىلىپ جاتقان بالالار الاڭشالارىنا باردى. تۇرعىن ءۇي اۋلالاردا تۇرعىنداردىڭ جايلىلىعى ءۇشىن ورىندىقتار، باستىرما، قوقىس جاشىكتەرى، زاماناۋي ۇلگىدەگى ويىن ەلەمەنتتەرى ورناتىلۋدا جانە اباتتاندىرۋ جۇمىستارى جۇرگىزىلۋدە.

سونىمەن قاتار، دەمەۋشى ەسەبىنەن سالىنىپ، مامىر ايىندا پايدالانۋعا بەرىلگەن الىمبەتوۆ 45 ۆ ورنالاسقان سپورت الاڭشاسىن دا باردى.

قالامىزدىڭ جىلىتۋ ماۋسىمىنا دايىندىق جۇمىستارىن تەكسەرۋ ماقساتىندا «قۋاتجىلۋورتالىعى-3» قازاندىعىندا دا بولىپ، جىلىتۋ مەن قازاندىقتاردىڭ تەحنيكالىق جىلىتۋ جۇيەلەرىمەن تانىستى.
اتقارىلىپ جاتقان جۇمىستاردىڭ ناتيجەسىن اياقتالعان سوڭ پارتيا دەپۋتاتتارى مەن مونيتورينگ توپ قوسىمشا كەلىپ تەكسەرەتىن بولدى. سايلاۋالدى باعدارلامالاردىڭ ناتيجەلى ورىندالۋى ۇنەمى پارتيا نازارىندا!