شىمكەنت قالاسى ءماسليحاتىنىڭ دەپۋتاتتارى، «Nur Otan» فراكسياسىنىڭ مۇشەلەرى باقىت قىدىربايەۆ، مۇرات جولدىحوجايەۆ، ءلازيز سۇلەيمەنوۆ جانەتالعات بالتابايەۆ ەڭبەكشى اۋدانى اكىمىنىڭ اعىمداعى جىلداعى اتقارىلىپ جاتقان جۇمىستارىنا بايلانىستى 11 نىسانعا مونيتورينگ جۇمىستارىن جۇرگىزدى.

ارنايى مونيتورينگ بارىسىندا دەپۋتاتتار رك-3 جىلۋ قازاندىعىنىڭ قىسقى ماۋسىمعا دايىندىعىن، بالالار ويىن الاڭشاسىنىڭ قۇرىلىس بارىسىن، سونداي-اق، №46 جانە №38 مەكتەپتەرىنىڭ قوسىمشا قۇرىلىس جۇمىستارىمەن تانىستى. مونيتورينگ توبىنىڭ وكىلدەرى ءبىرقاتار ماسەلەلەر بويىنشا ءتۇسىندىرۋ شارالارىن جاسادى.

سونىمەن قاتار، ۇلاعات ش/ا مەكتەپ جەرى جانە كارىز جۇيەسىنىڭ ساپاسىن تەكسەرگەن دەپۋتاتتار جاقىندا قولدانىسقا بەرىلەتىن سكۆەردىڭ قۇرىلىس بارىسىمەن دە ءجىتى تانىسىپ شىقتى.

اۋدان اۋماعىنداعى يرريگاسيا قۇرىلىسىن، جالىن تۇرعىن الابىنداعى تەكەسۋ كوپىرىنىڭ قۇرىلىسىن، شاڭىراق شاعىن اۋدانىنداعى گچپ اياسىندا دارىگەرلىك امبۋلاتوريا مەن توعىس تۇرعىن الابىنداعى №120 مەكتەبىنە قوسىمشا قۇرىلىس نىساندارىن ارالادى.

ءوز كەزەگىندە دەپۋتاتتار قۇرىلىس سالاسىنىڭ ۇنەمى پارتيا باقىلاۋىندا بولاتىنىن ەسكەرتىپ، سالا ماماندارىنا اتالعان نىسانداردىڭ جۇمىسىن نازارعا الاتىنىن جەتكىزدى.

«وزگەرىستەر جولى: ءار ازاماتقا لايىقتى ءومىر!» اتتى «Nur Otan» پارتياسى شىمكەنت قالالىق فيليالىنىڭ 2021 – 2025 جىلدارعا ارنالعان سايلاۋالدى باعدارلاماسىنىڭ ناتيجەلى ورىندالۋى – باستى مىندەت.