شىمكەنتتە «اتا-انا – ۇلتتىڭ ۇياسى» اتتى اتا-انالار فورۋمى ءوتتى. «سەنىمەن بولاشاق» رەسپۋبليكالىق قوعامدىق بىرلەستىگى ۇيىمداستىرعان اۋقىمدى ءىس-شارا شىمكەنت قالاسىنىڭ اكىمدىگىنىڭ قولداۋىمەن ءوتتى.
وفلاين وتكەن فورۋمعا شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، «سەنىمەن بولاشاق» قب قۇرىلتايشىسى نۇركەن اسانوۆ، ق ر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ ءتوراعاسى شاحماردان بايمانوۆ، تۇركىستان وبلىستىڭ ادامي الەۋەتتى دامىتۋ باسقارماسىنىڭ باسشىسى راقىمبەك جولايەۆ، «ءبىلىم-يننوۆاسيا» حالىقارالىق قوعامدىق قورىنىڭ پرەزيدەنتى دارحان وتە، اتا-انالار مەن قالا تۇرعىندارى قاتىستى.
فورۋمعا ق ر ءبىلىم جانە عىلىم ۆيسە-مينيسترى شولپان كارينوۆا ونلاين قوسىلىپ، ساتتىلىك تىلەدى.
«مۇنداي باستامالار، اتا-انالار فورۋمى – وتە ماڭىزدى. بالا تاربيەسى – ورتاق مۇددە. «اتا-انا – مەكتەپ – وقۋشى» ۇشتىگى تىعىز قاتىناستا جۇمىس ىستەسە، كوپ جەتىستىككە جەتەرىمىز ءسوزسىز. سەبەبى بالالارىمىز، وقۋشىلاردىڭ ءبىلىمى مەن تاربيەسى ەرەسەكتەردىڭ باستى مىندەت-ماقساتى سانالادى. فورۋم جۇمىسىنا مينيستر اسحات ايماعامبەتوۆتىڭ اتىنان ساتتىلىك تىلەيمىن!» – دەدى شولپان تاڭات قىزى.
«سەنىمەن بولاشاق» رەسپۋبليكالىق قوعامدىق بىرلەستىگىنىڭ قۇرىلتايشىسى، قوعام قايراتكەرى نۇركەن اسانوۆ، اسىرەسە، پاندەميا ۇرپاق تاربيەسىنە سالعىرت قاراۋعا بولمايتىنىن، ينتەرنەت دامىعان زاماندا ءار اتا-انانىڭ بالالاردىڭ جانىنان ءاردايىم تابىلۋ ماڭىزدى ەكەنىنە توقتالدى ءارى «سەنىمەن بولاشاق» رەسپۋبليكالىق قوعامدىق بىرلەستىگىنىڭ قۇرىلۋ ماقساتىن دا ايتىپ ءوتتى.
«بۇل – «سەنىمەن بولاشاق» رەسپۋبليكالىق قوعامدىق بىرلەستىگىنىڭ 5ء-شى ءىس-شارسى. بالا ءۇشىن باس ۇستاز – اتا-انا ەكەنىن ەسكەرسەك، جاقسى اتا-انا بولا ءبىلۋ دە اسا جاۋاپتى ءىس. بىرلەستىكتىڭ ماقساتى دا اتا-انالاردىڭ پسيحولوگيالىق-پەداگوگيكالىق بىلىكتىلىگىن ارتتىرۋ. بالانىڭ تۇلعا، كەمەل ادام رەتىندە قالىپتاسۋ جولىندا ماڭىزدى فاكتور سانالاتىن وتباسىنىڭ، اسىرەسە، اكەلەردىڭ بالا تاربيەسىنە ات سالىسۋىنا جاعداي جاساۋ، ناسيحاتتاۋ، سونىمەن قاتار پەداگوگتاردىڭ ستاتۋسىن كوتەرۋ»، – دەدى «سەنىمەن بولاشاق» رقب قۇرىلتايشىسى نۇركەن اسانوۆ.
ال شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان بالا تاربيەسى ءار اتا-انانىڭ وزىنە تىكەلەي بايلانىستى ەكەنىنە باسا نازار اۋداردى.
«بالانى تاربيەلەۋ ءۇشىن الدىمەن ءوزىمىزدى تاربيەلەۋىمىز كەرەك. قاراپايىم مىسال رەتىندە ايتايىن، بارلىعىمىزدا دەرلىك ۇيالى تەلەفون بار. ستاتيستيكا بويىنشا ادام ءار 3 مينۋت سايىن سول تەلەفونعا قاراپ قويا بەرەدى. سويتە تۇرا بالاسىنا گادجەتكە قۇمار بولماۋدى ەسكەرتەدى. ال ول ءۇشىن ەرەسەك ادام الدىمەن ءوزى ۇلگى بولۋى كەرەك. وقۋشىلاردىڭ جانىندا ءمۇعالىمى 5-6 ساعات بولسا، تاۋلىكتىڭ قالعان ۋاقىتىندا اتا-اناسى بولادى. سوندىقتان اتا-انا رەتىندە جاۋاپكەرشىلىكتى سەزىنۋىمىز كەرەك»، – دەدى شىڭعىس جۇمابەك ۇلى.
فورۋم بارىسىندا، ق ر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ ءتوراعاسى شاحماردان بايمانوۆ، «ءبىلىم-يننوۆاسيا» حالىقارالىق قوعامدىق قورىنىڭ پرەزيدەنتى دارحان وتە، تۇركىستان وبلىستىڭ ادامي الەۋەتتى دامىتۋ باسقارماسىنىڭ باسشىسى راقىمبەك جولايەۆ ءسوز الىپ، بالا تاربيەسى جايلى ۇسىنىستارىن ورتاعا سالدى.
پلەنارلىق جيىننان كەيىن فورۋم ءتۇرلى تاقىرىپتاعى سەمينار-ترەنينگتەرمەن جالعاستى. بالا تاربيەسى سالاسىنداعى كوۋچ-ترەنەرلەر ەلجاس ەرتاي ۇلى، اسحان ابجانوۆ، عالىمبەك بەرماعانبەتوۆ سەكىلدى مامانداردىڭ تاجىريبەسى فورۋمعا كەلگەندەردىڭ كوڭىلىنەن شىقتى.
ترەنينگتەر اراسىندا فورۋمعا كەلگەن قاتىسۋشىلاردى سەرگىتۋ ماقساتىندا ءداستۇرلى ءانشى، قازاقستاننىڭ ەڭبەگى سىڭىرگەن قايراتكەرى، «دارىن» مەملەكەتتىك جاستار سىيلىعىنىڭ يەگەرى ايگۇل ەلشىبايەۆا جانە قازاقستاندىق ەسترادا ءانشىسى، قازاقستاننىڭ ەڭبەگى سىڭىرگەن قايراتكەرى، «دارىن» مەملەكەتتىك جاستار سىيلىعىنىڭ يەگەرى دوسىمجان تاڭاتاروۆ ونەر كورسەتتى.
پىكىر قالدىرۋ