شىمكەنت قالاسىنىڭ اكىمى مۇرات ايتەنوۆ «Ontustik» تەلەارناسىنىڭ ەفيرىنەن بەرىلەتىن «اكىم ساعاتى» تەلەباعدارلاماسىنا قاتىستى. شاھار باسشىسى قالانىڭ بيىلعى جىلدىڭ توعىز ايىندا قول جەتكىزگەن الەۋمەتتىك-ەكونوميكالىق دامۋ كورسەتكىشتەرىن بايانداپ، كورەرمەندەر سۇراقتارىنا جاۋاپ بەردى.
قالا باسشىسى بەرگەن اقپارعا سايكەس، شاھاردىڭ جالپى وڭىرلىك ءونىم كولەمى 1020،0 ملرد. تەڭگەگە جەتىپ، ەكونوميكالىق ءوسىم 105،2 پايىزدى قۇراعان. ونەركاسىپ كولەمى بىلتىرعى جىلدىڭ ءتيىستى كەزەڭىمەن سالىستىرعاندا 106،5 پايىزعا ارتىپ، 555،8 ملرد. تەڭگەگە جەتكەن. قالا كاسىپورىندارى شىعارعان ونىمدەردىڭ 87 پايىزىن وڭدەۋ ونەركاسىبى قۇراپ، كولەمى 484،0 ملرد. تەڭگە بولعان.
قالاداعى 4 وندىرىستىك ايماقتا بارلىعى 118 جوبا ىسكە اسىپ، 21 مىڭعا جۋىق ادام جۇمىسپەن قامتىلعان. ونىڭ ىشىندە 203 جۇمىس ورنىمەن 5 جوبا بيىلعى جىلى جۇزەگە اسقان. كاسىپكەرلىكتى قولداۋ كارتاسى شەڭبەرىندە 5 جوبا ىسكە اسىپ، 358 جۇمىس ورنى اشىلعان.
اۋىل شارۋاشىلىعى سالاسىندا 34،1 ملرد. تەڭگەنىڭ ءونىمى ءوندىرىلىپ، 101،6 پايىز ءوسىم تىركەلگەن. ەگىستىك كولەمى 29،3 مىڭ گەكتار بولىپ، 85،4 مىڭ توننا ءونىم جينالعان. سالادا ەسەپتى مەرزىمدە 15 ينۆەستيسيالىق جوبا ىسكە قوسىلعان.
ينۆەستيسيا كولەمى 260،7 ملرد. تەڭگەگە جەتكەن. بەس جىل ىشىندە 2،6 ترلن. تەڭگە بولاتىن 282 ينۆەستيسيالىق جوبانى ىسكە اسىرۋ جوسپارلانسا، بيىلعى جىلى 152،6 ملرد. تەڭگە بولاتىن 63 ينۆەستيسيالىق جوبا ىسكە اسىرىلۋدا.
كاسىپكەرلىكتى قولداۋ باعىتىندا «بيزنەستىڭ جول كارتاسى-2025» مەملەكەتتىك باعدارلاماسىن ىسكە اسىرۋعا 7 264،6 ملن. تەڭگە باعىتتالىپ، بىلتىرعى جىلدىڭ ءتيىستى كەزەڭىمەن سالىستىرعاندا 3،8 ەسەگە ارتقان. جىل باسىنان بەرى 1591 جوبا قارجىلاندىرىلعان. «مەن كاسىپكەر بولامىن» ارنايى ءىس-شارالار جوسپارىنا بولىنگەن قاراجات 1،5 ەسە ءقسىپ، 186،1 ملن. تەڭگە بولىنگەن، 21 جوبا قارجىلاندىرىلعان.
شاھار باسشىسى ءبىلىم بەرۋ، دەنساۋلىق ساقتاۋ، مادەنيەت، سپورت سالالارىنىڭ دا ناقتى كورسەتكىشتەرىن بايانداپ، بەلگىلەنگەن مەجەلەردىڭ ورىندالعانىن اتاپ ءوتتى.
تۇرعىن ءۇي قۇرىلىسىندا 6716 پاتەرلى 115 كوپقاباتتى تۇرعىن ءۇي بيىل پايدالانۋعا بەرىلەدى. ونىڭ ىشىندە 6 – ارەندالىق، 33 – كرەديتتىك ۇيلەردەن 2432 پاتەر تاپسىرىلادى.
بيىلعى جوسپار بويىنشا اۋىز سۋمەن قامتۋ كورسەتكىشى 98 پايىزعا، كارىز جۇيەلەرىمەن قامتۋ – 54 پايىزعا، ساپالى ەلەكترمەن قامتۋ – 97 پايىزعا، تابيعي گازبەن قامتۋ – 93 پايىزعا، الەۋمەتتىك ماڭىزى بار كوشەلەردى جارىقتاندىرۋ – 43،4 پايىزعا جەتەتىنى ايتىلدى.
جول قۇرىلىسى سالاسىندا 178 جوبا قارجىلاندىرىلىپ، ساپالى جانە قاناعاتتانارلىق جاعدايداعى جولداردىڭ ۇلەسى جىل قورىتىندىسىمەن 63،6 پايىزعا جەتپەك. قوعامدىق كولىك سالاسىندا اۆتوبۋستاردىڭ جاڭارۋ كورسەتكىشى بيىل 90 پايىزعا جەتىپ، 64 باعىت بويىنشا الەۋمەتتىك ءمانى بار اۆتوبۋستار مارشرۋتتارى اشىلعان.
ەفير بارىسىندا قالا اكىمى كورەرمەندەر تاراپىنان تۇسكەن ساۋالدارعا جاۋاپ بەردى. تۇرعىندار ت.رىسقۇلوۆ كوشەسىنىڭ كولىك قوزعالىسىنا اشىلاتىن مەرزىمىن، ەلەكتر قۋاتىنىڭ ساپاسىن ارتتىرۋ، تابيعي گاز جۇيەلەرىنە قوسىلۋ، ا-2 اينالما جولىنىڭ قۇرىلىسى، تاعى باسقا وزەكتى ماسەلەلەر بويىنشا ساۋال جولداپ، ناقتى جاۋاپتارىن الدى.
