ەڭبەك، الەۋمەتتىك قورعاۋ جانە كوشى-قون كوميتەتىنىڭ شىمكەنت قالاسى بويىنشا دەپارتامەنتى 9 ايدىڭ جۇمىسىن قورىتىندىلادى. جىل باسىنان بەرى مەديسينالىق-الەۋمەتتىك ساراپتاما ءبولىمى 10 773 ادامعا مەملەكەتتىك قىزمەت كورسەتكەن. سونداي اق جيىندا زەينەتاقى جاسى مەن مۇقتاج جاندارعا كورسەتىلگەن كومەكتەر ساپاسى جاقسارعانى ايتىلدى.

بۇل مەكەمەگە كومەك سۇراپ جۇگىنەتىندەر كوپ. كەلۋشىلەردىڭ بارلىعى كومەككە مۇقتاج الەۋمەتتىڭ ءالسىز توبى. مۇگەدىكتىكتى راستايتىن قۇجاتتاردا وسى جەردە بەرىلەدى. سوندىقتان مۇقتاج جاندارعا شىنايى، ادال قىزمەت ەتۋ كەرەك –دەيدى دەپارتامەنت باسشىسى.

بۇگىندە مەديسينالىق ادىستەمەلىك ساراپتاما جانە باقىلاۋ بولىمىندە ارىز بويىنشا 187 ادام، باقىلاۋ بويىنشا 46 ادام قايتا كۋالاندىرۋدان وتكەن. ال جاڭادان تاعايىندالعان زەينەتاقى مەن جاردەماقى جانە قايتا قارالعان تولەمدەردىڭ سانى 103 010 قۇرايدى.

زەينەتاقى مەن جاردەماقىلار تاعايىنداۋ بويىنشا كورسەتىلگەن مەملەكەتتىك قىزمەت 47 671ء-دى قۇرادى. ايتا كەتەيىك، «قر-دا ازاماتتاردى زەينەتاقىمەن قامسىزداندىرۋ تۋرالى» زاڭعا سايكەس، وسى جىلدىڭ 1 قاڭتارىنان باستاپ ەر ادامدار 63، ايەلدەر 60، ال 5 جانە ودان كوپ بالالارى بار انالار 53 جاستان باستاپ زەينەتكەرلىكە شىعۋ بەلگىلەنگەن.