شىمكەنت قالاسىنىڭ اكىمى مۇرات ايتەنوۆ اۋىلشارۋاشىلىعى باعىتىندا بيىل ىسكە قوسىلعان نىسانداردىڭ جۇمىسىمەن تانىستى.

قاراتاۋ اۋدانى، الماتى تاس جولىندا ورنالاسقان «AgroPark» شق جىلىجاي كەشەنى بيىل جۇزەگە اسقان ءىرى جوبالاردىڭ ءبىرى.

5،2 گەكتار اۋماقتا ورنالاسقان جىلىجاي كەشەنى جىلىنا 1500 توننا قىزاناق پەن قيار وندىرەدى. تارتىلعان ينۆەستيسيا كولەمى - 1 300 ملن تەڭگە. كاسىپكەرگە 331،5 ملن تەڭگە مەملەكەتتىك قولداۋ كورسەتىلگەن.

اگرارلىق ونىمدەر جىلىنا ەكى مارتە جينالادى كەشەندە قاجەتتى كليماتتىق احۋال مەن توپىراق قۇنارلىعىن ساقتاۋ پروسەسستەرى اۆتوماتتاندىرىلعان.
شارۋا قوجالىعى 45 ادامدى تۇراقتى جۇمىسپەن قامتىپ وتىر. پەرسونال اگرارلىق تەحنولوگيانى ساقتاۋ ماسەلەسى بويىنشا دايىندىقتان وتكەن.

قالا اكىمى شىمكەنتتە تاماق ونەركاسىبىن دامىتۋعا بارلىق مۇمكىندىكتەر بار ەكەنىن ايتتى. ىشكى نارىقتى وتاندىق ازىق-تۇلىك ونىمدەرىمەن قامتۋ ماڭىزدى مىندەت ەكەنىنى كوڭىل بولگەن مۇرات دۇيسەنبەك ۇلى، سالا جەتەكشىلەرىنە بۇل باعىتتاعى جۇمىستاردى جۇيەلى تۇردە جالعاستىرۋدى تاپسىردى.