"استانا" كلۋبى چەمپيوندار ليگاسىنىڭ توپتىق كەزەڭىندەگى ماچتا تۇرىكتىڭ "گالاتاساراي" كومانداسىمەن 2:2 ەسەبىمەن تەڭ وينادى. بۇل تۋرالى «قامشى» پورتالى «تەنگرينيۋزكە» سىلتەمە جاساي وتىرىپ حابارلايدى.

ەسەپتى قوناقتار كومانداسى اشتى. ءبىرىنشى تايمنىڭ 31 مينۋتىندا ءبىلال كىسا گول سوقتى. ال ەكىنشى تايمنىڭ 77 مينۋتىندا تۇرىك كومانداسىنىڭ ويىنشىسى حاكان بالتا ءوز قاقپاسىنا گول سوعىپ الدى. الايدا 86 مينۋتتا "گالاتاساراي" تاعى ءبىر گول سوقتى. ال وسىدان كەيىن رودجەر كانياس ايىپ الاڭىنىڭ سىرتىنان باسپەن سوققى جاساپ، ەسەپتى تەڭەستىرە ءبىلدى. وسىلايشا ەسەپ 2-2.

كەزدەسۋ ەلورداداعى "استانا ارەنا" ستاديونىندا ءوتتى. ويىندى تىكەلەي ەفيردە "تاڭ" تەلەارناسى كورسەتتى.

ەسكە سالا كەتەيىك، ءبىرىنشى تۋردا ەكى كوماندا دا قارسىلاستارىنان 0:2 ەسەبىمەن جەڭىلگەن بولاتىن. "استانا" پورتۋگاليانىڭ "بەنفيكا" كومانداسىنان جەڭىلسە، "گالاتاساراي" يسپانيانىڭ "اتلەتيكو" كلۋبىنا ەسە جىبەرگەن ەدى.