ريمدەگى G20 وتىرىسى كەزىندە اقش پرەزيدەنتى دجو بايدەن تۇركيا پرەزيدەنتى رەجەپ تايىپ ەردوعانمەن كەلىسسوزدەر جۇرگىزدى. مەملەكەت باسشىلارى ەكى ەل اراسىنداعى قورعانىس پەن ادام قۇقىعى ماسەلەلەرىنە قاتىستى شيەلەنىس جاعدايىندا كەزدەستى، دەپ حابارلادى ءال-جازيرا تەلەارناسى.
اقش تۇركيانىڭ رەسەيدەن زىمىرانعا قارسى قورعانىس جۇيەلەرىن ساتىپ العانىن ايتىپ، F-16 جويعىش ۇشاقتارى ساۋداسىنا نارازىلىق ءبىلدىردى. بايدەن ەكى ەل اراسىنداعى كەلىسپەۋشىلىكتەردى ءتيىمدى شەشۋدى قالايتىنىن جەتكىزدى.
بۇعان دەيىن ەردوعان اقش-تىڭ تۇركياداعى ەلشىسىن جانە باسقا دا شەتەلدىك وكىلدەردى ەلدەن شىعاراتىنىن مالىمدەگەن.
اقش اكىمشىلىگى تۇرىك تاراپىنىڭ بۇل ارەكەتتەرى پايداسىز ەكەنىن ايتا وتىرىپ، تۇركيادان تۇرمەدەگى فيلانتروپ وسمان كاۆالانى بوساتۋدى تالاپ ەتەدى.
كەيىنىرەك ەردوعان ەلشىلەردى شىعارىپ جىبەرەمىن دەگەن ويىنان قايتتى. تۇركيا پرەزيدەنتىنىڭ كەڭسەسى كەزدەسۋدىڭ "ءپوزيتيۆتى اتموسفەرادا وتكەنىن" حابارلادى.
"ەكى كوشباسشى تۇركيا-اقش قارىم-قاتىناستارىن ودان ءارى نىعايتۋعا ورتاق ۇستانىمدارىن ءبىلدىردى جانە بۇل ءۇشىن ورتاق مەحانيزم قۇرۋعا كەلىستى. ەكى تاراپتىڭ ءوزارا كەلىسىلگەن ماقساتتارعا سايكەس ەكىجاقتى ساۋدا كولەمىن ۇلعايتۋ بويىنشا ورتاق پەرسپەكتيۆالارىنا سايكەس كەلىسسوزدەر جۇرگىزۋدەن باسقا، ولار ناتو اليانسى مەن ستراتەگيالىق سەرىكتەستىكتىڭ ماڭىزدىلىعىن اتاپ ءوتتى" دەلىنگەن حابارلامادا.
پىكىر قالدىرۋ