شىمكەنت قالاسى وڭتۇستىك قازاقستان مەديسينا اكادەمياسىنىڭ ستۋدەنتتەرىنە ق ر پرەزيدەنتى ق.توقايەۆتىڭ قازاقستان حالقىنا ارناعان جولداۋى ناسيحاتتالدى. شىمكەنت قالالىق ىشكى ساياسات باسقارماسىنىڭ ۇيىمداستىرۋىمەن وتكەن جيىندا اقپاراتتىق-ناسيحاتتىق توپ مۇشەسى، ءوقمپۋ-دىڭ «رۋحاني جاڭعىرۋ جانە تاربيە» ءبولىمىنىڭ باسشىسى ق.اناربايەۆ، وقما باسقارما باسشىسى ەربول ءسالىم ستۋدەنتتەرگە جولداۋ جۇكتەگەن مىندەتتەردى ءتۇسىندىردى.
جولداۋ جاريالانعان كۇننەن باستاپ وقما ستۋدەنتتەرىنە ماڭىزدى قۇجاتتى ناسيحاتتاپ كەلەمىز. بۇگىندە اكادەميادا 7 مىڭنان اسا ستۋدەنت ءبىلىم الىپ وتىر. كەشەگى پاندەميا كەزىندە بىلىكتى دارىگەرلەرگە دەگەن سۇرانىس ارتتى. ءبىز ءار ستۋدەنتتىڭ مىقتى مامان بولىپ، ەلگە قىزمەت ەتۋىن قامتاماسىز ەتۋ ءۇشىن كۇش سالىپ كەلەمىز، - دەدى ە.ءسالىم.
تاريح عىلىمدارىنىڭ كانديداتى ق.اناربايەۆ جولداۋداعى بەس باسىمدىققا توقتالدى. — رەسپۋبليكادا 1997 جىلدان بۇگىنگە دەيىن 942 مەكتەپ سالىنعان. ال، مەملەكەت باسشىسى ق.توقايەۆ 2025 جىلعا دەيىن 1000 مەكتەپ سالۋ قاجەت ەكەنىن ايتتى. بۇل قازاقستانداعى دەموگرافيالىق ءوسىمدى جانە ونى ساپالى بىلىممەن قامتۋ ءۇشىن جۇيەلى جۇمىس جۇرگىزىلىپ وتىرعانىن كورسەتەدى.
سونداي-اق، ق.توقايەۆ «بىزدەگى دارى-دارمەك پەن مەديسينالىق قۇرال-جابدىقتىڭ 17 پايىزى عانا – وتاندىق ءونىم. 2025 جىلى ونى 50 پايىزعا جەتكىزۋ قاجەت» دەگەن بولاتىن. بۇل دەنساۋلىق سالاسىنىڭ زامان تالابىنا ساي قايتا جاڭعىراتىنىن كورسەتىپ وتىر،- دەدى ق.اناربايەۆ. جيىن سوڭىندا ستۋدەنتتەر ناسيحاتتىق توپ مۇشەسىمەن پىكىر الماسىپ، ساۋالدارىن قويدى.
