قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ 2021 جىلدىڭ 1 قىركۇيەگىندە جاريالاعان «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» اتتى قازاقستان حالقىنا ارناعان كەزەكتى جولداۋىن تۇرعىندارعا ءتۇسىندىرۋ، ناسيحاتتاۋ ماقساتىندا شىمكەنت قالالىق اكىمدىگى جانىنان ۇگىت-ناسيحات توبى قۇرىلعان.

وسى توپتىڭ مۇشەسى، «دۋستليك» قازاقستان وزبەكتەرى قاۋىمى شىمكەنت ۋنيۆەرسيتەتىندە ستۋدەنتتەرمەن كەزدەسىپ، پرەزيدەنت جولداۋى توڭىرەگىندە اڭگىمە قوزعادى. ي.حاشيمجانوۆ مەملەكەت باسشىسى جولداۋدا ءبىلىم سالاسىنا جان-جاقتى قولداۋ كورسەتۋ ءۇشىن ۇكىمەتكە ارنايى تاپسىرمالار جۇكتەگەنىن اتاپ ءوتتى.

سونىڭ ىشىندە عىلىم تۋرالى زاڭناماعا جىل سوڭىنا دەيىن تۇزەتۋلەر ەنگىزىلەتىنىن، عىلىمي-زەرتتەۋ جۇمىستارىن گرانتتىق قارجىلاندىرۋ مەرزىمى 5 جىلعا ۇزارتىلعانىن، سونىمەن قاتار، پەداگوگتاردىڭ بىلىكتىلىگىن ارتتىرۋ ۋاقىتى 3 جىلدىق مەرزىمگە قىسقارعانىن باياندادى.

- پرەزيدەنتتىڭ «مينيسترلىك ءبىلىمدى قازىرگى زامانعا بەيىمدەۋى قاجەت»، «بىزگە بىلىكتى ماماندار كەرەك» دەگەن سوزدەرى تۇتاستاي ءبىلىم سالاسىنىڭ جاۋاپتى ماماندارىنا ۇلكەن مىندەتتەر جۇكتەيدى. ايتالىق ق ر پرەزيدەنتى وتكەن جىلى ۇكىمەتكە پەداگوگ مارتەبەسىن جانە مۇعالىمدەردىڭ جالاقىسىن ارتتىرۋدى، وتاندىق عالىمدارعا ەرەكشە نازار اۋدارۋدى، ءبىلىم بەرۋ سالاسىن جان-جاقتى قولداۋدى تاپسىرعان بولاتىن. سول جوسپارلار بىرتىندەپ ورىندالىپ كەلەدى. ەندىگى ماقسات بىلىمگە قاتىستى جولداۋدا ايتىلعان تاپسىرمالاردى ىسكە اسىرىپ، اعارتۋشىلىق سالانى الەمنىڭ وزىق ەلدەرىنىڭ تەرەزەسىمەن تەڭەستىرۋ، - دەدى ي.حاشيمجانوۆ.

مازمۇندى وتكەن جيىن سوڭىندا شىمكەنت ۋنيۆەرسيتەتىنىڭ الەۋمەتتىك جانە تاربيە ىستەرى جونىندەگى پرورەكتور دجانابايەۆ داۋرەن كەزدەسۋدەن جاستار مول تاعىلىم العانىن جانە جولداۋدا ايتىلعان سوزدەر ستۋدەنتتەردىڭ بىلىمگە قۇشتارلىعىن وياتىپ، ەلىمىزدى بولاشاعى جولىندا ايانباي ەڭبەك ەتۋگە جىگەرلەندىرەتىنىنە زور سەنىم ءبىلدىردى.