شىمكەنت قالاسىنىڭ قالالىق ورتا ساپاسى جانە باقىلاۋ باسقارماسىنىڭ باسشىسى ع.وتەنبايەۆ 2021 جىلدىڭ 9 ايىندا اتقارىلعان جۇمىستار بويىنشا ەسەپ بەردى.

باسقارما تاراپىنان جىل باسىنان بەرى 48 قۇرىلىس نىسانىنا قاتىستى تەكسەرۋ تاعايىندالىپ، 139 اكىمشىلىك قۇقىق بۇزۋشىلىق تۋرالى حاتتامالار تولتىرىلعان.

باسقارما باسشىسىنىڭ ايتۋىنشا، 20 تەحنيكالىق قاداعالاۋشى، 2 اۆتورلىق قاداعالاۋشى، 2 جوبالاۋ ساراپشى جانە 1 تەحنيكالىق قاداعالاۋشى مەكەمە جاۋاپكەرشىلىككە تارتىلدى. تەكسەرۋ بارىسىندا انىقتالعان كەمشىلىكتەر بويىنشا 25 سۋبەكتىگە كەمشىلىكتەردى جويۋ تۋرالى نۇسقامالار بەرىلدى.

باسقارما تاراپىنان قالاداعى نەگىزگى ءۇش باسقارمامەن (قۇرىلىس، ەنەرگەتيكا جانە ينفراقۇرىلىمدى دامىتۋ، جولاۋشىلار كولىگى جانە اۆتومويل جولدارى) بىرلەسە نىسان ارالاۋ بويىنشا جۇمىستار جۇرگىزىلىپ، تاپسىرىس بەرۋشىلەرگە كەمشىلىكتەردى جويۋ بويىنشا ۇسىنىستار جولدانۋدا. قالا اۋماعىندا ورنالاسقان زاڭسىز قۇرىلىستاردى بۇزۋ تۋرالى جولدانعان تالاپ ارىزدار بويىنشا سوت شەشىمىنە سايكەس، 8 زاڭسىز قۇرىلىس نىسان بۇزىلدى.

سونىمەن قاتار، بۇگىنگى تاڭدا اۋىل شارۋاشىلىعى ماقساتىنداعى يگەرىلمەي جاتقان جەر تەلىمى يەلەرىنە تۇسىندىرمە جۇمىستارىن جۇرگىزۋ ناتيجەسىندە، مەملەكەت مەنشىگىنە ءوز ەركىمەن جالپى الاڭى 303،3385 گا 6 جەر ۋچاسكەسى قايتارىلعان.

قالا اكىمىنىڭ حاتتامالىق تاپسىرماسىنا سايكەس، 4 اۋدان تاراپىنان الاڭى 3569،79 گا 305 جەر ۋچاسكەسىنە شارا قولدانۋ تۋرالى حاتتار قارالۋدا.

قالا اكىمى زاڭسىز قۇرىلىستارعا جول بەرىلمەۋى كەرەكتىگىن ايتتى. قۇرىلىس سالاسىنداعى زاڭسىزدىق ساپاعا تىكەلەي ىقپال ەتەتىنىن ەسكەرتىپ، زاڭ نورماتيۆتەرىنىڭ ساقتالۋىن قاتاڭ باقىلاۋدى تاپسىردى.