شىمكەنت قالاسى مەملەكەتتىك ەڭبەك ينسپەكسياسى باسقارماسىنىڭ باسشىسى ب.قالجانوۆ 2021 جىلدىڭ 9 ايىندا اتقارىلعان جۇمىستاردى باياندادى. باسقارما باسشىسى ەڭبەك زاڭناماسىنىڭ ساقتالۋىن مەملەكەتتىك باقىلاۋ، جازاتايىم جاعدايلار، ۇجىمدىق شارت جاساسۋ، اقپاراتتىق-ناسيحاتتىق جانە تاعى باسقا باعىتتاردا جۇزەگە اسقان جۇمىستاردى ايتىپ ءوتتى.

9 ايدا ءار ءتۇرلى مەنشىك نىسانىنداعى كاسىپورىندار مەن ۇيىمداردان، جەكە تۇلعالاردىڭ 831 ارىز-شاعىمدار مەن وتىنىشتەرى زاڭعا سايكەس قارالىپ، باسقارما تاراپىنان ءتيىستى جاۋاپتار بەرىلدى.
باسقارما باسشىسىنىڭ ايتۋىنشا، ارىز-شاعىمدار ءاردايىم زەردەلەنىپ وتىرادى. ەسەپتى كەزەڭدە جۇمىسپەن قامتۋ جانە الەۋمەتتىك قورعاۋ، كولىك جانە لوگيستيكا، قارجى نارىعى جانە باسقا سالالاردا ارىز-شاعىمدار كوبەيگەن.

مەملەكەتتىك ەڭبەك ينسپەكتورلارىمەن 172 تەكسەرۋ جۇرگىزىلىپ، 254 زاڭبۇزۋشىلىق انىقتالدى. ونىڭ ىشىندە، ەڭبەك قاتىناستارى بويىنشا 191، ەڭبەك قاۋىپسىزدىگى جانە ەڭبەكتى قورعاۋ بويىنشا 57، جۇمىسپەن قامتۋ بويىنشا 6 زاڭ بۇزۋشىلىق تىركەلگەن. انىقتالعان بۇزۋشىلىقتاردىڭ نەگىزىندە 102 نۇسقاما بەرىلگەن. تەكسەرۋ ناتيجەلەرىمەن 7،9 ملن تەڭگە كولەمىندە ايىپپۇل سالىنىپ، 5،8 ملن تەڭگە ايىپپۇل وندىرىلگەن.

سونىمەن قاتار، باسقارمانىڭ مەملەكەتتىك ەڭبەك ينسپەكتورلارى تاراپىنان جىل باسىنان بەرى 56 كاسىپورىنداعى 2121 جۇمىسكەردىڭ 230،5 ملن تەڭگە كولەمىندەگى جالاقى قارىزدارى وتەلىپ، 2121 جۇمىسكەردىڭ الەۋمەتتىك قۇقىقتارى قورعالدى.