شىمكەنت قالاسىندا قىزمەت بارىسىندا جازاتايىم وقيعالاردىڭ الدىن الۋ باعىتىندا ءتيىستى جۇمىستار اتقارىلۋدا.

قالالىق مەملەكەتتىك ەڭبەك ينسپەكسياسى باسقارماسىنىڭ باسشىسى ب.قالجانوۆتىڭ مالىمدەۋىنشە، جۇمىسكەرلەر ەڭبەگىنىڭ قاۋىپسىزدىگىن جانە قورعالۋىن باقىلاۋدى قامتاماسىز ەتۋ بويىنشا بۇگىندە قالاداعى 17 كاسىپورىندا «حالىقتىق باقىلاۋ» جوباسى ەنگىزىلدى.

«Vision Zero – نولدىك جاراقات» تۇجىرىمداماسىن ىلگەرىلەتۋ بويىنشا قالاداعى 52 كاسىپورىنمەن ءوزارا تۇسىنىستىك پەن ىنتىماقتاستىق تۋرالى مەموراندۋم جاسالدى.

شاھارداعى كاسىپورىندار مەن مەكەمەلەردە ءقاۋىپسىز ەڭبەك جاعدايلارىن قامتاماسىز ەتۋ ماقساتىندا تۇراقتى تۇردە مونيتورينگ جۇرگىزىلۋدە. بۇگىندە قالاداعى 1452 كاسىپورىندا ەڭبەك قاۋىپسىزدىگى بويىنشا وندىرىستىك كەڭەستەر جۇمىس جۇرگىزۋدە. جىل باسىنان بەرى زياندى جانە ءقاۋىپتى 516 جۇمىس ورىندارىنا ەڭبەك قاۋىپسىزدىگى بويىنشا اتتەستاسيالاۋ جۇرگىزىلدى.

سونداي-اق، قالاداعى 112 كاسىپورىندا ەڭبەك قاۋىپسىزدىگى جانە ەڭبەكتى قورعاۋ بويىنشا حالىقارالىق جانە ۇلتتىق ستاندارتتار ەنگىزىلگەن. 3 كاسىپورىننىڭ قىزمەتى دەكلاراسيالانىپ، «سەنىم سەرتيفيكاتى» تاپسىرىلدى.

ايتا كەتسەك، ەسەپتى كەزەڭدە 24 جازاتايىم وقيعا ورىن الىپ، 33 ادام زارداپ شەكتى. ونىڭ ىشىندە، قايتىس بولعاندار – 5، اۋىر جاراقات العاندار – 19، جەڭىل جاراقات العاندار – 9.