شىمكەنت قالاسى اكىمىنىڭ ورىنباسارى ەرعالي بىلىسبەكوۆ بۇگىن قالاداعى توزىعى جەتكەن ءبىرقاتار ۇيلەردى ارالاپ، تۇرعىنداردىڭ جاي-كۇيىمەن تانىستى.

بۇگىندە قالانىڭ تەحنيكالىق زەرتتەۋ قورىتىندىسى نەگىزىندە 107 كوپپاتەرلى تۇرعىن ءۇي توزىعى جەتىپ، بۇزۋعا ۇسىنىلعان. وتكەن عاسىردىڭ 30-شى جىلدارى سوعىلعان ۇيلەر بۇگىندە اپاتتى جاعداي الدىندا.

اكىم ورىنباسارى ەڭ الدىمەن 1-مامىر كوشەسى بويىندا ورنالاسقان 14 ا،ب، 16 ا جانە 20-شى ۇيلەردە بولدى. توزىعى جەتكەن ۇيلەردىڭ شاتىرى توزىپ، جارىلعان قابىرعاسى قيراعالى تۇر. اعاش باسپالداقتارى دا ابدەن كونەرگەن. ەسەسىنە ارالارىندا كوممۋنالدىق جۇيەلەرى دە ءشىرىپ، ىستەن شىعۋى ءجيى كەزدەسەدى.

تۇرعىنداردىڭ قاۋىپسىزدىگى ءۇشىن ەسكىرگەن ۇيلەردى ءسۇرىپ، قايتا سالۋ قاجەتتىگى تۋىنداعان. ە.بىلىسبەكوۆ ارالاۋ بارىسىندا جاۋاپتى سالا ماماندارىنا ۋاقىت وزدىرماي، شۇعىل ارەكەتكە كوشۋدى تاپسىردى.

توزىعى جەتكەن ۇيلەردى بۇزۋ باعدارلاماسى – بۇل تۇرعىندارعا ەشبىر شىعىنسىز ءوز ۇيلەرىن جاڭارتۋ مۇمكىندىگى. جىلجىمايتىن مۇلىك نارىعىندا باعاسى تومەن ەسكىرگەن تۇرعىن ۇيلەر ءسۇرىلىپ، تۇرعىندارى جاڭادان بوي كوتەرگەن ۇيلەرگە قايتا قونىستانۋعا مۇمكىندىگى بار. ەڭ باستىسى تۇرعىنداردىڭ تالاپ-ۋاجدەرىن ەسكەرە وتىرىپ، ولاردىڭ كەلىسىمدەرىمەن اپاتتى تۇرعىن ۇيلەردەن كوشىرىپ الۋىمىز قاجەت. سودان سوڭ عانا توزىعى جەتكەن ۇيلەردى ءسۇرىپ، ورنىنا جاڭا ۇيلەردىڭ قۇرىلىسىن باستايمىز. تۇرعىندار ۋاقىتشا باسپانامەن قامتىلىپ، ۇيلەرى بىتكەن سوڭ قايتا قونىستانا الادى نەمەسە تەڭ پاتەر قاراستىرىلادى. ناتيجەسىندە شاھاردىڭ ساۋلەتىنە دە ءسان كەلەدى،-دەدى ەرعالي داۋلەتبەك ۇلى.

قازىرگى تاڭدا، بۇل ىسكە ينۆەستورلاردى تارتۋ قاراستىرىلىپ وتىر. پيلوتتىق جوبا رەتىندە الدىمەن گاگارين كوشەسى №112 جانىنداعى عيمارات، 1 مامىر كوشەسى №29 ءۇي، ش. قالداياقوۆ كوشەسى №35 ۇيلەر بويىنشا دايىندىق جۇمىستارى اتقارىلۋدا.

ۇيلەردىڭ ءبىرقاتارىنا ازىرگە مودەرنيزاسيالاۋ جۇمىستارى دا جەتكىلىكتى. ماسەلەن، ۆولودارسكوگو 7 ءۇيدىڭ تۇرعىندارى جاڭعىرتۋ جۇمىستارىنىڭ جۇرگىزىلىپ، كەم-كەتىگى تۇزەلۋىنە كەلىسىپ وتىر. كەزدەسۋ بارىسىندا تۇرعىندار قالا اكىمىنىڭ ورىنباسارىنا ءبىرقاتار وتىنىشتەرىن جەتكىزدى.