اۋا رايىنىڭ سۋىتۋىنا بايلانىستى شىمكەنت قالاسىندا جىلۋ بەرۋ ماۋسىمى ادەتتەگىدەن ەرتە باستالدى. قالا اكىمى م.ايتەنوۆ قالامىزدا 2021-2022 جىلدارداعى جىلىتۋ ماۋسىمىنىڭ باستالۋى تۋرالى وكىمگە قول قويدى.
وكىمگە سايكەس، 6 قازاننان باستاپ قالاداعى 468 بيۋدجەتتىك نىساننىڭ جەكە قازاندىقتارى مەن اۆتونومدى جىلۋ جۇيەلەرى بار 374 نىسانعا جىلۋ بەرىلە باستادى. جەكە قازاندىقتارى بار نەمەسە اۆتونومدى جىلۋ جۇيەلەرىمەن قامتىلعان 792 كوپقاباتتى تۇرعىن ۇيلەردىڭ دە جىلۋ جۇيەلەرى بۇگىننەن باستاپ ىسكە قوسىلادى.
ورتالىقتاندىرىلعان جىلۋ جۇيەسىنىڭ قىزمەتىن تۇتىناتىن 145 بيۋدجەتتىك نىساندار مەن 1444 كوپقاباتتى تۇرعىن ۇيلەرگە جىلۋ كەزەكتىك رەتىمەن بەرىلە باستايدى. 15 قازانعا دەيىنگى مەرزىمدە بارلىق نىساندار 100 پايىز جىلۋمەن قامتىلادى.
جىلۋ بەرۋ ەرەجەسىنە سايكەس، «كازگيدرومەت» رمك مالىمدەمەسى نەگىزىندە 3 تاۋلىك بويى اۋا رايىنىڭ ورتاشا تەمپەراتۋراسى +8ºس تومەن بولعان جاعدايدا جىلۋ بەرىلەدى.
بىلتىرعى جىلىتۋ ماۋسىمى قالادا 15 قازاندا باستالىپ، 5 ساۋىردە اياقتالعان بولاتىن.
پىكىر قالدىرۋ