شىمكەنت قالاسىندا فيزيكا-ماتەماتيكا باعىتىن تەرەڭدەتىپ ءبىلىم بەرەتىن «Intellect» ليسەيى اشىلدى.

اسار شاعىناۋدانىندا زاماناۋي ۇلگىدە بوي كوتەرگەن مەكتەپ 5،6،7،8،9 سىنىپتارعا ارنالعان. جالپى پاندەر بويىنشا قوسىمشا ساباقتار جۇرگىزىلىپ، شاحمات، دومبىرا جانە تىگىن ۇيىرمەلەرى دە جۇمىس ىستەيدى.

ءبىلىم مەكەمەسى 600 ورىنعا ارنالعان. ءقازىر مۇندا جان باسىنا قارجىلاندىرۋ ادىسىمەن 277 وقۋشى اقىسىز ءبىلىم الىپ وتىر.

ليسەيدىڭ سالتاناتتى اشىلۋىنا قاتىسقان قالا اكىمىنىڭ ءبىرىنشى ورىنباسارى شىڭعىس مۇقان تاۋەلسىزدىكتىڭ العاشقى جىلدارى شىمكەنت قالاسىندا 70 مەكتەپ بولسا، ءقازىر ءبىلىم مەكەمەلەرىنىڭ سانى 200-گە جۋىقتاعانىن، وندا 250 مىڭعا تارتا بالا ءبىلىم الىپ جاتقانىن ايتتى.

–سوڭعى جىلدارى ءبىلىم سالاسىنا ينۆەستورلار تارتىلىپ، جان باسىنا قارجىلاندىرۋ جۇيەسى بويىنشا جۇمىس ىستەيتىن جەكەمەنشىك مەكتەپتەر كوپتەپ سالىنۋدا. بۇگىن سونداي ءبىلىم ۇيالارىنىڭ تاعى بىرەۋى – «Intellect» فيزيكا-ماتەماتيكا ليسەيى. وسىنىڭ بارلىعى جاس ۇرپاقتىڭ ءبىلىمدى بولۋىنا مەملەكەتتىڭ ايرىقشا نازار اۋدارىپ وتىرعانىن كورسەتەدى، -دەدى اكىمنىڭ ءبىرىنشى ورىنباسارى.

سالتاناتتى جيىندا «Ummet» قورىنىڭ وكىلدەرى وقۋشىلارعا مەكتەپ فورمالارىن سىيعا تارتتى.